Republic Day 2025: આજે દેશભરમાં 76માં પ્રજાસત્તાક પર્વની ધામધૂમથી ઉજવણી થઇ રહી છે. આજે સાબરકાંઠામાં શંકર ચૌધરીના હસ્તે ધ્વજવંદન કરવામાં આવ્યુ હતું. સાબરકાંઠાના ઇડરની આર્ટસ એન્ડ કોમર્સ કૉલેજ ખાતે વિધાનસભા અધ્યક્ષ શંકર ચૌધરીના હસ્તે સવારે 9:00 કલાકે ધ્વજવંદન કરવામાં આવ્યુ હતુ, આ જિલ્લા કક્ષાની ઉજવણી હજારોની સંખ્યામાં દેશભક્તો ઉમટી પડ્યા હતા. 76મા પ્રજાસત્તાક દિનની દબદબાભેર ઉજવણી કરવા માટે જિલ્લા કલેક્ટર રતન કવર ગઢવી દ્વારા તમામ તૈયારીઓ પૂર્ણ કરાઇ હતી.
આજે વિધાનસભાના અધ્યક્ષ શંકર ચૌધરીએ સાબરકાંઠા જિલ્લામાં ધ્વજવંદન કર્યુ હતુ. શંકર ચૌધરીના હસ્તે સાબરકાંઠાના ઈડર ખાતે ધ્વજવંદન કરવામાં આવ્યુ હતુ. સાબરકાંઠાની જિલ્લા કક્ષાની 76માં પ્રજાસત્તાક પર્વની ઉજવણી ઇડર ખાતે આવેલી આર્ટસ એન્ડ કોમર્સ કૉલેજમાં કરવામાં આવી હતી, આ પ્રસંગે દબદબાભેર તૈયારીઓ કરવામાં આવી હતી, 76માં પ્રજાસત્તાક દિવસે પોતાના સંબોધનમાં બોલતા જણાવ્યું કે, આજે ભારત વિશ્વની ત્રીજી આર્થિક મહાસતા બનવાની દિશામાં આગળ વધી રહ્યું છે. ગાંધી અને સરદારના સ્વપ્ન સાકાર ત્યારે ગૌરવ થાય છે. શ્રીનગરના લાલ ચોકમાં તિરંગો લહેરાય ત્યારે પણ ગૌરવ અનુભવાય છે. શંકર ચૌધરીએ વધુમાં કહ્યું કે, આપણું બંધારણ વિશ્વનું સૌથી લાંબુ બંધારણ છે, આઝાદીની ચળવળમાં સાબરકાંઠાનું મહત્વનું યોગદાન રહેલું છે, ઈડરનો ઈતિહાસ વૈભવશાળી રહ્યો છે.
તિરંગાને સલામી આપવા અને પ્રજાસત્તાક પર્વની ઉજવણી કરવા સાબરકાંઠા એસપી વિજય પટેલ, જિલ્લા વિકાસ અધિકારી હર્ષદ વોરા, નિવાસી અધિક કલેકટર સહિત કર્મચારીઓ અધિકારીઓ શિક્ષક ગણ સહિત હાજર રહ્યાં હતા.
ખાસ વાત છે કે, પ્રજાસત્તાક પર્વની પૂર્વસંધ્યાએ રાજ્યપાલની ઉપસ્થિતિમાં મુખ્યમંત્રી ભૂપેન્દ્ર પટેલ 240 કરોડનાં 61 કામનાં ઇ-લોકાર્પણ અને ખાતમુહૂર્ત કર્યા હતા. આ ઉપરાંત ગુજરાત વિધાનસભાના અધ્યક્ષ શંકર ચૌધરીના અધ્યક્ષ સ્થાને સાબરકાંઠા (ઇડર) ખાતે, વિધાનસભાના ઉપાધ્યક્ષ જેઠા આહીરના અધ્યક્ષ સ્થાને પંચમહાલ (શહેરા) ખાતે તથા રાજ્ય મંત્રી મંડળના સભ્યો અને જિલ્લા કલેકટરઓના અધ્યક્ષ સ્થાને જિલ્લા કક્ષાના ધ્વજવંદન સમારોહ યોજાયો હતો. આ ઉપરાંત સુરેન્દ્રનગર, આણંદ, પોરબંદર, અમરેલી, જૂનાગઢ, કચ્છ, વડોદરા, નર્મદા, મહીસાગર, ડાંગ, પાટણ, દેવભૂમિ દ્વારકા, અરવલ્લી અને મોરબી ખાતે સંબંધિત જિલ્લાના કલેકટરના હસ્તે ધ્વજ વંદન સમારોહ યોજવામાં આવ્યો હતો.
આ પણ વાંચો