Sabarkantha: સાબરકાંઠા જિલ્લામાં અકસ્માતની ઘટના ઘટી છે, ખેડબ્રહ્મામાં આ ઘટના સર્જાઇ છે, અહીં એક કાર ચાલકે બાઇક સવારને જોરદાર ટક્કર મારી હતી, જેમાં બે લોકોના મોત થઇ ગયા હતા, અને એકની હાલત ગંભીર છે.
સાબરકાંઠાના ખેડબ્રહ્મામાં આ અકસ્માતની ઘટના બે દિવસ પહેલા બની હતી, જેમાં મોડી રાત્રે ખેડબ્રહ્મામાં પેટ્રૉલ પંપ નજીક રાત્રિના બાઈક અને કાર વચ્ચે અકસ્માત સર્જાયો હતો, જેમં એક મહિલા અને તેના પુત્રનું મોત થઇ ગયુ હતુ. આ પછી ખેડબ્રહ્મા પોલીસ સ્ટેશનમાં કારચાલક સચીન જોષી વિરુદ્ધ આ અંગે ફરિયાદ નોંધાઇ છે. હાલમાં મૃતક મહિલાનો પતિ ઘાયલ હોવાથી તેમને સારવાર અર્થે અમદાવાદ ખસેડવામાં આવ્યા છે. પ્રજાપતિ સમાજના એક જ પરિવારના બે વ્યક્તિઓના મોત થતા પ્રજાપતિ સમાજમાં રોષ ફેલાયો છે.
Sabarkantha: મિત્રો સાથે પોળોના જંગલમાં ફરવા ગયેલા યુવકનું નદીમાં ડૂબી જવાથી મોત
સાબરકાંઠા: વિજયનગરના પોળોમાં ફરવા આવેલા એક યુવાનનું મોત થયું છે. આણંદથી નવ મિત્રો ઇકો લઈને પોળોમાં ફરવા આવ્યા હતા. પોળોમાં દરગાહ નજીક નદીમાં પાચ મિત્રો ન્હાવા પડયા હતા. આ દરમિયાન અરસીલ વોરા નામના યુવકનું ડૂબી જવાથી મોત હતું. ઘટનાની જાણ થતા વિજયનગર પોલીસ તેમજ ફાયર વિભાગ ઘટના સ્થળે પહોચી હતા. વિજયનગર પોલીસ સ્ટેશનના GRD ના જવાને મૃત યુવાન બહાર કાઢ્યો હતો. પોલીસે વિજયનગર સરકારી હોસ્પીટલમાં લાશને પીએમ માટે ખસેડી છે.
ખેડામાં લવ જેહાદમાં ફસાયેલી પરિણીતાએ કરી આત્મહત્યા
ખેડા: કપડવંજમાં લવ જેહાદનો કિસ્સો સામે આવ્યો છે. જે બાદ પરિણીતાએ આત્મહત્યા કરી લીધી હતી. 25 વર્ષીય પરિણીતાએ નર્મદા નહેરમાં ઝંપલાવી મોતને વ્હાલું કર્યું હતું. જે બાદ કપડવંજ રૂરલ પોલીસ મથકે અકસ્માતની ફરિયાદ નોંધાઈ હતી. હવે સમગ્ર મામલે નવો વળાંક આવ્યો છે. 20.5.23 ના રોજ આત્મહત્યા માટે મજબૂર કરવાની ફરિયાદ નોંધાઈ છે. મોહસીન અલી નિઝામ અલી સૈયદ રહેવાસીસામે ફરિયાદ દાખલ કરવામાં આવી છે.
મોહસીન પરિણીતાને પ્રેમ સંબંધ રાખવા માટે ફોન કરી ધમકીઓ આપતો હતો. પ્રેમ સબંધ ન રાખે તો બદનામ કરવાની પણ ધમકી આપી હતી. કપડવંજ રૂરલ પોલીસે મોહસીન અલીને ઝડપી પાડ્યો છે. વિઘર્મી યુવકે હિન્દુ યુવતીને પ્રેમ સંબંધ માટે અવારનવાર હેરાન પરેશાન કરતો હતો. આખરે પરિણીતાએ નહેરમાં ઝંપલાવી આત્મહત્યા કરી લીધી હતી. સામે આવેલી વિગતો અનુસાર મહિલાને ચાર માસનું બાળક પણ છે. મોહસીન અલી પણ પરણિત છે અને બે બાળકો છે .