Surat: વિવાદોની વચ્ચે બૉલીવુડ ફિલ્મ 'ધ કેરળ સ્ટૉરી' ફિલ્મ વધુ સારુને સારુ પરફોર્મન્સ કરી રહી છે, બૉક્સ ઓફિસ પર 'ધ કેરળ સ્ટૉરી'નો જલવો યથાવત છે, ત્યારે આ બધાની વચ્ચે હવે ગુજરાતમાં પણ આ ફિલ્મને નેતાઓ દ્વારા ફ્રીમાં બતાવવાની પ્રક્રિયા શરૂ થઇ ગઇ છે. જુનાગઢ બાદ હવે બારડોલીમાં ધારાસભ્યએ 'ધ કેરળ સ્ટૉરી'ની મહિલાઓ માટે ફ્રીમાં બતાવવાની જાહેરાત કરી છે.
માહિતી પ્રમાણે, 'ધ કેરળ સ્ટૉરી' ફિલ્મ હવે બારડોલીમાં મહિલાઓ ફ્રીમાં જોઇ શકશે. બારડોલીના ધારાસભ્ય ઈશ્વર પરમારે મહિલાઓ, બહેન અને દીકરાઓને 'ધ કેરળ સ્ટૉરી' ફિલ્મ નિઃશુલ્ક બતાવવાની જાહેરાત કરી છે, આ ફિલ્મ મહિલાઓ માટે બારડોલીના થિએટર્સમાં 11, 12, અને 13 મેના રોજ ફ્રી રહેશે. આજથી તેની શરૂઆત થઇ ચૂકી છે અને મોટી સંખ્યામાં મહિલાઓ ફિલ્મ નિહાળી રહી છે. યુવા પેઢીને લવજેહાદ અને આતંકવાદી જેવી પ્રવૃત્તિઓથી બચાવવા અને સતર્ક રાખવા માટેનો ધારાસભ્યનો અનોખો પ્રયાસ છે.
The Kerala Story: દેશના ઘણા રાજ્યોમાં 'ધ કેરલા સ્ટોરી' પર પ્રતિબંધ, આ રાજ્યોમાં ટેક્સ ફ્રી ફિલ્મ
The Kerala Story: બોલિવૂડ એક્ટ્રેસ અદા શર્માની ફિલ્મ 'ધ કેરલા સ્ટોરી' બોક્સ ઓફિસ પર ધૂમ મચાવી રહી છે. આ ફિલ્મે કમાણીના મામલે ગભરાટ પેદા કર્યો છે. દરરોજ 'ધ કેરલા સ્ટોરી' બે આંકડામાં કલેક્શન કરી રહી છે. તેના પરથી અંદાજ લગાવી શકાય છે કે આ ફિલ્મને દર્શકોનો જબરદસ્ત રિસ્પોન્સ મળી રહ્યો છે. તે જ સમયે 'ધ કેરળ સ્ટોરી' દેશના ઘણા રાજ્યોમાં પ્રતિબંધિત છે. જ્યારે ઘણા રાજ્યોમાં તેને ટેક્સ ફ્રી કરવામાં આવી છે.
આ રાજ્યોમાં ફિલ્મ પર પ્રતિબંધ મૂકવામાં આવ્યો
'ધ કેરાલા સ્ટોરી'ની રિલીઝને લઈને વિવાદ ચાલુ છે. દેશની અલગ-અલગ રાજ્ય સરકારોનું કહેવું છે કે આ ફિલ્મ ચોક્કસ સમુદાયની ભાવનાઓને ઠેસ પહોંચાડી શકે છે. તેને જોતા પશ્ચિમ બંગાળ, તમિલનાડુમાં આ ફિલ્મ પર પ્રતિબંધ મૂકવામાં આવ્યો. કેરળમાં પણ તેના પર પ્રતિબંધ મૂકવાની માંગ કરવામાં આવી હતી, પરંતુ હાઇકોર્ટે તેમ કરવાનો ઇનકાર કર્યો હતો. જો કે, આ ફિલ્મ કેરળના થોડા થિયેટરોમાં બતાવવામાં આવી રહી છે.
આ રાજ્યોમાં 'ધ કેરલા સ્ટોરી' ટેક્સ ફ્રી
શું છે ફિલ્મની વાર્તા?
સુદીપ્તો સેન દ્વારા નિર્દેશિત ફિલ્મ ધ કેરલા સ્ટોરી દેશના કેરળ રાજ્ય પર આધારિત છે. આ ફિલ્મમાં 3 છોકરીઓની વાર્તા છે, જેઓનું પહેલા બ્રેઈન વોશ કરવામાં આવે છે અને ત્યારબાદ ધર્મ પરિવર્તન કરવામાં આવે છે. આ પછી છોકરીઓને આતંકી સંગઠન ISISમાં જોડાવા માટે મજબૂર કરવામાં આવે છે. આ ફિલ્મના નિર્માતા વિપુલ અમૃતલાલ શાહે થોડા દિવસો પહેલા જ ખુલાસો કર્યો હતો કે તેણે ફિલ્મ બનાવતા પહેલા ઘણા વર્ષો સુધી સંશોધન કર્યું હતું. તે કહે છે કે ફિલ્મમાં જે બતાવવામાં આવ્યું છે તે બધું જ સાચું છે.
આ ફિલ્મે બોક્સ ઓફિસ પર અડધી સદી ફટકારી
જણાવી દઈએ કે 'ધ કેરલા સ્ટોરી'એ બોક્સ ઓફિસ પર અત્યાર સુધીમાં 56.86 કરોડ રૂપિયાનું કલેક્શન કર્યું છે. ફિલ્મે મંગળવારે 11.14 કરોડ રૂપિયાની કમાણી કરી છે. ટ્રેડ પંડિતોનું કહેવું છે કે આ ફિલ્મ ટૂંક સમયમાં 100 કરોડના ક્લબમાં સામેલ થઈ જશે.