રાજ્ય સરકારે સ્કૂલોના શિક્ષકોના હિતમાં પણ એક મહત્વનો નિર્ણય લીધો છે. કોરોનાવાયરસના ચેપને અનુલક્ષીને શિક્ષકો તથા અન્ય સ્ટાફને પણ સ્કૂલે જવામાંથી મુક્તિ આપવામાં આવી છે. અગાઉ શાળાઓ બંધ કરાઈ ત્યારે પણ શિક્ષકોને સ્કૂલે જવાનો આદેશ અપાયો હતો. હવે તેમની સલામતીને ધ્યાનમાં રાખીને તેમને પણ શાળાએ જવામાંથી મુક્તિ આપી દેવાઈ છે.
આ ઉપરાતં ચાલુ વર્ષે અગાઉનાં વરસોની જેમ જ શૈક્ષણિક સત્ર પણ રાબેતા મજુબ ચાલુ થશે. સીબીએસઈની પેટર્ન પ્રમાણે માર્ચ મહિનાથી નવું સત્ર શરૂ કરવાનું શક્ય ના હોવાથી આ વર્ષે જુન મહિનાથી જ શૈક્ષણિક સત્ર ચાલુ થશે.