મળતી માહિતી મુજબ સુરેન્દ્રનગર શહેરની મુખ્ય સરકારી હોસ્પિટલના આઇસોલેશન વોર્ડમાં વિરમગામના કોરોના પોઝિટિવ દર્દીનું મોડી રાત્રે મોત થયું હતું. વિરમગામ ખાતે રહેતા ૬૫ વર્ષના વ્યક્તિને કોરોના પોઝિટિવ આવતા ગત તારીખ ૧૧ મે ના રોજ સારવાર અર્થે સુરેન્દ્રનગર સરકારી હોસ્પિટલ ખસેડવામાં આવ્યો હતો.
નોંધનયી છે કે, સુરેન્દ્રમાં કોરનાને કારણે આ પ્રથમ મોત છે. સુરેન્દ્રનગરમાં અત્યાર સુધીમાં કુલ 3 કેસ કોરોનાના સામે આવ્યા છે. જેમાંથી 1 વ્યક્તિને ડિસ્ચાર્જ કરવામાં આવી છે. મોડી રાત્રે એક વ્યક્તિનું મોત થતા સુરેન્દ્રનગર જિલ્લામાં કોરોનાને કારણે પ્રથમ મોત નોંધાયું છે. જિલ્લામાં અત્યારે સુધીમાં કુલ 501 કોરોના ટેસ્ટ કરવામાં આવ્યા છે. જિલ્લામાં અત્યાર સુધીમાં 142 લોકો કોરેન્ટાઈન હેઠળ છે.