ત્યાર બાદ ભાજપ-કૉંગ્રેસના ધારાસભ્યો સામ-સામે આવી ગયા હતા. નૌશાદ સોલંકી ગેલેરીના પગથિયે જ ધરણાં પર બેસી જઈ કહ્યું કે નીતિન પટેલ મને કૉંટ્રાક્ટર સાબિત કરે કાં તો માફી માગે. તો આ તરફ નેતા વિપક્ષ સહીત કૉંગ્રેસના ધારાસભ્યો વિધાનસભા અધ્યક્ષને રજૂઆત કરવા પહોંચ્યા હતા. તેમણે અધ્યક્ષને ગૃહમાં વિપક્ષનું સન્માન ન જળવાતું હોવાની રજૂઆત કરી.
ભારે સમજાવટ બાદ નૌશાદ સોલંકીએ ધરણાં પૂરા કર્યા હતા. આજે પણ કૉંગ્રેસ આ મુદ્દાને ગૃહમાં ઉઠાવશે અને નીતિન પટેલ માફી માગે તેવી માગ કરશે. અગાઉ ચર્ચા દરમિયાન ભાજપના દંડક પંકજ દેસાઈનો વિધાનસભા અધ્યક્ષે ઉધડો લીધો હતો. નૌશાદ સોલંકી સ્કોપ બહારનું કહેતા હોવાની દલિલ પંકજ દેસાઈએ કરી હતી. આ મુદ્દે વિધાનસભા અધ્યક્ષ અને પંકજ દેસાઈ વચ્ચે વાક પ્રહાર થયા હતા.