ડો સમશેરસિંઘને વડોદરાના પોલીસ કમિશનર તરીકે બદલી કરાઈ છે. રાજુ ભાર્ગવને એડીજીપી આર્મ્સ યુનિટમાં મુકાયા છે. આર બી બ્રહ્નભટ્ટને પોલીસ હ્યુમન રાઈટના એડીજીપીનો વધારાનો હવાલો સોંપાયો છે.
આ ઉપરાંત સેન્ટ્રલ ડેપ્યુટેશનથી આવેલા IPS રાજુ ભાર્ગવને એડિશનલ DG આર્મ્ડ યુનિટ્સ (ગાંધીનગર) તરીકે મુકાયા છે. તેમને આ પદે મુકવામાં આવતા ડો પ્રફુલા કુમાર રોશનને વધારાના હવાલાથી મુક્ત કરવામાં આવ્યા છે.
ADG કેડરના અધિકારી સમશેર સિંહ 1991ની બેચના IPS અધિકારી છે. તેઓ પ્રતિષ્ઠિત IIT દિલ્હીના વિદ્યાર્થી રહી ચુક્યા છે અને ગુજરાત પોલીસમાં તેમણે વિવિધ પોસ્ટ ઉપર ફરજ બજાવી છે. પોલીસ બેડામાં તેઓ કડક અધિકારી તરીકેની છાપ ધરાવે છે.