કચ્છઃ યુદ્ધનો સામનો કરી રહેલા યુક્રેનમાં એમબીબીએસનો અભ્યાસ કરતી પૂર્વ કચ્છ ગાંધીધામની છાત્રા રીદ્ધી મીશ્રા પણ ફસાઈ. ગાંધીધામના સપનાનગરમાં રહેતી રીદ્ધી યુક્રેનના ખારકીવમાં અન્ય છાત્રો સાથે ફસાઈ. બંકરમાં રહેવા મજબૂર બન્યા છે. બોંબ ધડાકાના અવાજ સતત ચાલુ છે. પાણી- રાશન ખૂટ્યા છે. સરકાર જલ્દી ભારત લઇ જયે તેવી માંગ કરવામાં આવી રહી છે. રિદ્ધિ સાથે 500 જેટલા છાત્રો સાથે ભુગર્ભમાં આવેલા બંકરમાં રહેવા મજબુર બન્યા છે.
મોરબીની વધુ એક યુવતી યુક્રેનમાં ફસાઈ. શૈલજા લાલજીભાઈ કુનપરા યુક્રેનમાં ફસાઈ. યુક્રેનના માયકોલાઈવ શહેરમાં વિધાર્થીની ફસાઈ છે. શૈલજા કુનપરા એમબીબીએસના અભ્યાસ માટે ગઈ હતી. ૨૪ તારીખે વાયા દુબઈ થઈને ફલાઈટ હતી પણ એરપોર્ટ પર રશિયાના હુમલાથી ફ્લાઈટ રદ થતા ફસાઈ વિધાર્થીની. શૈલજા પરિવારના સમ્પર્કમાં છે અને ત્યાં સલામત હોવાની માહિતી પરિવારજનોએ આપી.
ખેડા જિલ્લાના મહુધા તાલુકાના હેરંજ ગામના યુવાન પ્રતિક પટેલનો વિડીયો વાયરલ થયો છે. આ પ્રતિક પટેલ હાલ યુક્રેનમાં ફસાયેલ છે અને તેના દ્વારા આ વીડિયો વાયરલ કરવામાં આવ્યો છે. ફસાયેલા લોકો દ્વારા ટેક્સી કરવામાં આવી હતી તે ટેક્સી ચાલક બોર્ડરથી ૩૦ કિલોમીટર દૂર આ તમામ લોકોને મુકીને ચાલ્યો ગયો. યુવાન કહી રહ્યો છે કે તે લોકો 30 કિલોમીટર ચાલ્યા છે તેમની સાથે એક ગર્ભવતી મહિલા પણ છે. ફક્ત અડધા કલાકમાં છ કિલોમીટર ચાલીને બોર્ડર પહોંચવું પડશે જો નહીં પહોંચે તો બોર્ડર ક્લોઝ થઇ જશે. હેલ્પલાઇન નંબર બંધ છે, ૨૦,૦૦૦થી વધુ ભારતીયો ફસાયેલા છે તેવી આપવિતિ યુવાન જણાવી રહ્યો છે. આ યુવાનો વીડિયો સોશિયલ મીડિયામાં વાઇરલ થયો છે.
રશિયા અને યુક્રેન વચ્ચે સતત બીજા દિવસે ભીષણ યુદ્ધ ચાલી રહ્યું છે. રશિયા દ્ધારા છોડવામાં આવેલી 160થી વધુ મિસાઇલથી યુક્રેનની રાજધાની કીવ હચમચી ગઇ છે. લોકો જીવ બચાવવા માટે સબ-વે સ્ટેશનો અને બંકરોમાં આશરો લેવા માટે મજબૂર બન્યા છે. રશિયન સૈનિકો યુક્રેનની રાજધાની કીવની પાસે પહોંચી ગયા છે. કીવ બહાર રશિયન સૈનિકો અને યુક્રેનના સૈનિકો વચ્ચે ભીષણ અથડામણ થઇ હતી જેમાં રશિયાના 60 સૈનિકો માર્યાનો યુક્રેને દાવો કર્યો હતો.
કિવ સહિત યુક્રેનના અનેક શહેરોમાં ચારેબાજુ તબાહીના દ્રશ્યો જોવા મળી રહ્યા છે. ખાર્કિવમાં ઘણી ઇમારતો નાશ પામી હતી. મેરુપોલ શહેરમાં લશ્કરી થાણાની આસપાસ ઘણી ઇમારતો તબાહ થઇ ગઇ છે અને રસ્તાઓ તૂટી ગયા હતા. ઓડેસા શહેરના ઓઇલ સ્ટેશનો પણ આગમાં લપેટાયેલા જોવા મળ્યા હતા. શહેરોમાં ખાણી-પીણીથી લઈને રોજીંદી જરૂરી ચીજવસ્તુઓની અછત છે.બીજી તરફ રશિયા અને યુક્રેન સરકારોએ વાતચીતના સંકેત આપ્યા હતા. રશિયાના વિદેશમંત્રીએ કહ્યું હતું કે જો યુક્રેન શસ્ત્રો છોડી દે તો તેઓ વાતચીત માટે તૈયાર છે. બીજી તરફ યુક્રેને વિશ્વના દેશોને રાજધાનીની રક્ષા કરવા માટે મદદ કરવાનો આગ્રહ કર્યો હતો.
યુક્રેન અને રશિયા વાતચીત માટેના સમય અને સ્થળ પર આગામી સમયમાં ચર્ચા કરાશે. યુક્રેનના રાષ્ટ્રપતિના પ્રવક્તાએ સોશિયલ મીડિયા પર કર્યું કે આક્રમણ શરૂ થયા બાદ વાટાઘાટો માટેના સમય અને સ્થળ પર આગામી કલાકોમાં પરામર્શ કરશે, યુક્રેનના રાષ્ટ્રપતિ વોલોડીમીર ઝેલેન્સકીના પ્રવક્તા Sergii Nykyforov સોશિયલ મીડિયા પર જણાવ્યું હતું કે, આક્રમણ શરૂ થયા બાદ કૂટનીતિ માટે આશાની પ્રથમ ઝલક રજૂ કરાઇ છે.રશિયાએ કહ્યું કે યુક્રેનને મળવા માટે બેલારૂસની રાજધાનીમાં મળવાની ઓફર રજૂ કરાઇ હતી પરંતુ યુક્રેને એ તટસ્થ દેશમાં વાતચીત માટેની વાત કરી હતી.