Unseasonal Rain And Weather Updates: રાજ્યમાં ઠંડીની ઋતુ જામી છે, ઠંડીએ જોર પકડ્યુ છે, ત્યારે હવામાન વિભાગે મોટી આગાહી કરી છે, રાજ્યમાં આગામી બે દિવસ માટે હવામાન વિભાગે કમોસમી વરસાદ પડવાની આગાહી કરી છે. રાજ્યમાં ઉત્તર ગુજરાત, સૌરાષ્ટ્ર અને દાદરાનગર હવેલીના કેટલાક વિસ્તારોમાં માવઠુ થવાની શક્યતા છે. 


હવામાન વિભાગે આજે આગાહી કરી છે કે, આગામી બે દિવસ સુધી રાજ્યમાં માવઠું થશે, હવામાનમાં પલટો આવ્યો હોવાથી રાજ્યમાં ઠેકઠેકાણે વરસાદી ઝાંપટા થશે. આવતીકાલે 8મી જાન્યુઆરીએ અમદાવાદ, ગાંધીનગર, બનાસકાંઠા, સાબરકાંઠા, મહેસાણા, અરવલ્લી, સુરેન્દ્રનગર, બોટાદ, અમરેલી, ભાવનગર, ગીર સોમનાથ, નવસારી, વલસાડ, દમણ, દાદરા નગર હવેલીમાં વરસાદી ઝાંપટા અને છૂટો છવાયો હળવો વરસાદ ખાબકી શકે છે.


હવામાન વિભાગની આગાહી પ્રમાણે, આગામી 9 જાન્યુઆરીએ અમદાવાદ, ગાંધીનગર, સાબરકાંઠા, અરવલ્લી, સુરેન્દ્રનગર, બોટાદ તેમજ તાપી, નવસારી, ડાંગ વલસાડ, દમણ, દાદરા નગર હવેલીમાં છૂટો છવાયો અને હળવો વરસાદ પડી શકે છે. 


વરસાદી ઝાંપટાવાળો રહેશે જાન્યુઆરી, કયા વિસ્તારોમાં ક્યારે પડશે કમોસમી વરસાદ, વાંચો અંબાલાલની અગાહી


ગુજરાતના વાતાવરણને લઇને હવામાન નિષ્ણાંત અંબાલાલ પટેલની મોટી આગાહી સામે આવી છે. આવતીકાલે વર્ષનો છેલ્લો દિવસ એટલે કે 31 ડિસેમ્બર છે, તે પછી ફરી એકવાર રાજ્યમાં વરસાદી માહોલ જામશે. જાણીતા આગાહીકાર અંબાલાલ પટેલે આગાહી કરી છે કે, જાન્યુઆરી મહિનામાં બીજા સપ્તાહથી ક્યાંક હિમ વર્ષા તો ક્યાંક કમોસમી ઝાંપટા પડશે. જાન્યુઆરીમાં અલનીનૉની અસર ગુજરાતમાં પણ પણ જોવા મળશે. આ કારણે રાજ્યના વાતાવરણમાં પલટો આવશે અને ઠંડીનું જોર વધી શકે છે. હવામાન નિષ્ણાંત અને આગાહીકાર અંબાલાલ પટેલે જાન્યુઆરી મહિના અંગે મોટી આગાહી કરી છે. તેમને જણાવ્યુ છે કે, નવા વર્ષે આગામી 3 થી 6 જાન્યુઆરી વચ્ચે રાજ્યમાં વાદળવાયુ રહેશે. પશ્ચિમ વિક્ષેપની ગતિવિધિ મંદ હોવાના કારણે દેશના ઉત્તરીય પ્રદેશોમાં હિમ વર્ષા થશે. ગુજરાતમાં જાન્યુઆરીના 2જા સપ્તાહથી હવામાનમાં ભારે પલ્ટો આવશે. અરબ સાગરમાં વેલમાર્ક લૉ પ્રેશર અને બંગાળના ઉપસાગરમાં ગતિવિધિને લઈ દેશના હવામાનમાં પલટો આવશે. ગુજરાતમાં જાન્યુઆરીના 2જા સપ્તાહમાં અનેક વિસ્તારોમાં કમોસમી વરસાદ વરસશે. ખાસ કરીને દક્ષિણ ગુજરાત, દક્ષિણ સૌરાષ્ટ્ર, પૂર્વ ગુજરાત, ઉત્તર ગુજરાત અને કચ્છના કેટલાક ભાગોમાં કમોસમી વરસાદની શક્યતા છે. અલનીનોની અસરના કારણે વિષમ હવામાનની સ્થિતિ સર્જાશે. જાન્યુઆરી માસમાં ભારે ઠંડીનો અનુભવ થશે.