રૂપાણી લથડીને નીચે પડ્યા એ પહેલાં તેમણે ગુજરાતમાં લવ જિહાદનો કાયદો લાવવાનું એલાન કર્યું હતું. વિધાનસભાના આગામી સત્રમાં લવ જિહાદનો કાયદો લાવીને તેનો અમલ કરવાની વાત તે કરી રહ્યા હતા ત્યારે જ તેમની તબિયત લથડી હતી.
આવતી વિધાનસભામાં લવ જિહાદનો કાયદો લાવીએ છીએ અને સાથે સાથે કાયદો અને વ્યવસ્થાની ચિંતા પણ કરીએ છીએ. એ પછી તે બોલતાં બોલતાં ઢળી પડ્યા હતા, ભાઈઓ અને બહેનો, વિકાસની પ્રાથમિક શરત એ લોક.....એટલું બોલીને ઢળી પડ્યા હતા.
આ વાક્ય બોલતા હતા ત્યારે જ તેમનો અવાજ લથડ્યો હતો ને તે ત્રણ-ચાર શબ્દો બોલ્યા હતા પણ શું બોલ્યા એ લથડેલા અવાજના કારણે સાંભળી શકાયું નહોતું.
ભાઈઓ અને બહેનો, વિકાસની પ્રાથમિક શરત એ લોક.......એટલું બોલતાં બોલતાં રૂપાણી અચાનક રોકાયા હતા ને તેમની આંખો પણ બંધ થઈ ગઈ હતી. ચાલુ ભાષણ દરમિયાન જ તેમને ચક્કર આવતાં તે લથડીને નીચે પડવા લાગ્યા હતા પણ તેમના એક સીક્યુરિટી જવાને ભારે સતર્કતા બતાવીને તેમને નીચે પડવા નહોતા દીધા.