Navsari News:નવસારીના ચીખલીના સાડકરપોરમાં દીપડાએ યુવતી પર હુમલો કરતા તેમનું કમકમાટી ભર્યું મોત નિપજ્યું છે. ચીખલીના સાડકરપોરના પહાડી ફળિયાની આ ઘટના છે. અચાનક યુવતીના નિધનથી પરિવાર પર દુ:ખનો પહાડ તૂટી પડ્યો છે. યુવતીના મૃતદેહને પોસ્ટમોર્ટમ માટે લઇ જવાયો હતો. સમગ્ર ઘટના બાદ વન વિભાગને જાણ થતા દીપડાને પકડવાની કવાયત હાથ ધરી છે.
તોબીજી તરફ રાજ્યમાં વધુ એક યુવકે હાર્ટ અટેકના કારણે જીવ ગૂમાવ્યો છે. વડોદરના પાદરામાં યવકનું હાર્ટ અટેકના કારણે મોત થયું છે,. પાદરાની અરિહંત કોમ્પલેક્ષમાં યુવક અચાનક જ ઢળી પડ્યો હતો બાદ તેને તાબડતોબ હોસ્પિટલ લઇ જવાયો હતો. તબીબે હાર્ટ અટેકથી મોત થયાનો ખુલાસો કર્યો હતો. યુવકના અચાનક ઢળી પડવાની ઘટના સીસીટીવીમાં કેદ થઇ છે.
વડોદરાના ભાયલીમાં પણ એક દુર્ધટના ધટી છે. અહીં ડ્રેનેજની કામગીરી સમયે શ્રમિક દટાઇ જતાં ફાયર વિભાગના જવાનોએ JCBની મદદથી ભારે જહેમત બાદ શ્રમિકને બચાવ્યો હતો. .. ભાયલી સ્મશાન પાસે ચાલી રહેલી ડ્રેનેજની કામગીરી સમયે આ ઘટના બની હતી. જો કે સમયસર રેસ્ક્યુ કરી લેતા શ્રમિકનો જીવ બચાવી લેવાયો હતો.
આ પણ વાંચો
Gujarat Rain forecast: આજે અને આવતી કાલે રાજ્યના આ જિલ્લામાં પડશે વરસાદ, હવામાન વિભાગની આગાહી