જ્યારે મુંબઈના પાલઘરમાં વરસાદના કારણે રસ્તાઓ પર પાણી ભરાઈ ગયા છે અને ઘરો પણ ડૂબી ગયા છે. ભારે વરસાદના કારણે પાલઘરમાં શાળા-કોલેજો બંધ રાખવામાં આવી છે. થાણા વિસ્તારમાં પણ તમામ સરકારી શાળાઓ બંધ રાખવામાં આવી છે. મુંબઈના મલાડ વિસ્તાર પણ સતત વરસાદના કારણે નીચાણવાળા વિસ્તારોમાં પાણી ભરાઈ ગયું છે.
ભારે વરસાદના કારણે મુંબઈ એરપોર્ટથી 10 ફ્લાઇટ્સ રદ્દ કરવામાં આવી છે. ટ્રેનો પણ મોડી ચાલી રહી છે. આ સિવાય મુંબઈના અંધેરી વિસ્તારમાં પણ પાણી ભરાવાથી અંધેરી સબવે બંધ કરવામાં આવ્યો છે.
હવામાન વિભાગના જણાવ્યા મુજબ, ગુજરાત, કોંકણ, ગોવા, જમ્મુ-કાશ્મીર, પંજાબ, હરિયાણાના અલગ-અલગ ભાગોમાં 2 ઓગસ્ટે ભારે વરસાદ પડી શકે છે.