એક રિપોર્ટ અનુસાર, કોગ્રેસે જે નેતાઓને પાર્ટીમાંથી હાંકી કાઢ્યા છે તેમાં પૂર્વ સાંસદ સંતોષ સિંહ, પૂર્વ એમએલસી સિરાજ મહેંદી, ઉત્તર પ્રદેશના પૂર્વ ગૃહમંત્રી રામકૃષ્ણ દ્વિવેદી, પૂર્વ મંત્રી સત્યદેવ ત્રિપાઠી, રાજેન્દ્ર સિંહ સોલંકી, પૂર્વ ધારાસભ્ય ભૂધર નારાયણ મિશ્રા, પૂર્વ ધારાસભ્ય વિનોદ ચૌધરી, પૂર્વ ધારાસભ્ય નેક ચંદ્ર પાંડેય, સ્વયં પ્રકાશ ગોસ્વામી અને સંજીવ સિંહનો સમાવેશ થાય છે.
કોગ્રેસની અનુશાસન સમિતિએ આ નેતાઓને લખેલા પત્રમાં કહ્યુ હતું કે, છેલ્લા કેટલાક સમયથી તમે ઉત્તરપ્રદેશ કોગ્રેસ કમિટી સાથે સંબંધિત અખિલ ભારતીય કોગ્રેસના નિર્ણયોનો સાર્વજનિક રીતે વિરોધ કર્યો છે. જેનાથી મીડિયામાં તમારા નિવેદનથી પાર્ટીની છબિ ખરાબ થઇ છે.