Coronavirus in Delhi: રવિવારે દિલ્હીમાં કોરોના વાયરસના સંક્રમણના 1,410 નવા કેસ નોંધાયા હતા અને સંક્રમણના કારણે 14 દર્દીઓ મૃત્યુ થયા હતા, જ્યારે ચેપ દર ઘટીને 2.45 ટકા થયો હતો. આરોગ્ય વિભાગ દ્વારા જાહેર કરવામાં આવેલા આંકડામાં આ માહિતી આપવામાં આવી છે. આરોગ્ય વિભાગે એક બુલેટિનમાં જણાવ્યું હતું કે રાષ્ટ્રીય રાજધાનીમાં કુલ કેસોની સંખ્યા વધીને 18,43,933 થઈ ગઈ છે, જ્યારે મૃત્યુઆંક વધીને 25,983 થઈ ગયો છે.
આરોગ્ય વિભાગ દ્વારા જારી કરવામાં આવેલા બુલેટિન મુજબ, એક દિવસ પહેલા કરવામાં આવેલા કોવિડ -19 પરીક્ષણોની સંખ્યા 57,549 હતી. શનિવારે, દિલ્હીમાં ચેપના 1,604 કેસ નોંધાયા હતા, જ્યારે 17 વધુ દર્દીઓના મોત થયા હતા. 13 જાન્યુઆરીના રોજ સંક્રમિતોની સંખ્યા 28,867ના રેકોર્ડ ઉંચા સ્તરે પહોંચ્યા બાદ દિલ્હીમાં દૈનિક કેસોની સંખ્યામાં ઘટાડો થયો છે.
તે જ સમયે, દેશભરમાં કોરોના સંક્રમિતોની સંખ્યા વધીને 4 કરોડ 21 લાખ 88 હજારથી વધુ થઈ ગઈ છે. ભારતમાં હાલમાં 12 લાખ 25 હજારથી વધુ કોરોના એક્ટિવ કેસ છે. તે જ સમયે, અત્યાર સુધીમાં 5 લાખથી વધુ લોકોના મોત થયા છે. હાલમાં 4 કરોડ 4 લાખ 61 હજારથી વધુ દર્દીઓ સારવાર બાદ સાજા પણ થયા છે.
દેશભરમાં કોરોના ચેપને રોકવા માટે દેશવ્યાપી કોરોના રસીકરણ કાર્યક્રમ ચલાવવામાં આવી રહ્યો છે. જે અંતર્ગત અત્યાર સુધીમાં 169 કરોડથી વધુ કોરોના રસીના ડોઝ લગાવાયા છે. દેશભરમાં 89 કરોડ 97 લાખ 98 હજાર 864 લોકોને કોરોના રસીનો પ્રથમ ડોઝ આપવામાં આવ્યો છે. 72 કરોડ 51 લાખ 53 હજાર 271 લોકોને બીજો ડોઝ અપાયો છે.
ગુજરાત કોરોના
ગુજરાતમાં કોરોનાના કેસમાં આજે સામાન્ય ઘટાડો થયો છે. આજે રાજ્યમાં છેલ્લા 24 કલાકમાં કોરોના વાયરસના નવા 3897 કેસ નોંધાયા છે. આ સાથે રાજ્યમાં કોરોનાના કુલ એક્ટિવ કેસનો આંકડો 44618 પર પહોંચી ગયો છે. રાજ્યમાં 225 લોકો વેન્ટીલેટર પર છે. 44393 લોકો સ્ટેબલ છે. અત્યાર સુધીમાં રાજ્યમાં 1144956 લોકોએ કોરોનાને મ્હાત આપી છે. રાજ્યમાં અત્યાર સુધીમાં કોરોના સંક્રમણથી 10667 લોકોના મોત થયા છે. રાજ્યમાં આજે સંક્રમણથી 19 લોકોના મોત થયા છે.
બીજી તરફ આજે 10273 દર્દીઓ રિકવર પણ થયા છે. તો બીજી તરફ કોરોનાનો રિકવરી રેટ પણ 95.39 ટકાએ પહોંચ્યો છે. રાજ્યમાં કોરોના સંક્રમણથી આજે 19 મોત થયા. આજે 60587 લોકોનું રસીકરણ કરવામાં આવ્યું છે.
ગુજરાતમાં છેલ્લા 24 કલાકમાં સામે આવેલા આંકડા પ્રમાણે અમદાવાદ કોર્પોરેશનમાં 1263, વડોદરા કોર્પોરેશનમાં 777, વડોદરા 203, મહેસાણા 186, સુરત કોર્પોરેશનમાં 147, બનાસકાંઠા 139, સુરત 137, કચ્છ 131, ગાંધીનગર કોર્પોરેશન 113, રાજકોટ કોર્પોરેશન 99, ખેડા 80, રાજકોટ 67, આણંદ 59, ગાંધીનગર 54, સાબરકાંઠા 52,ભરુચ 47, ભાવનગર કોર્પોરેશન 36, પાટણ 33, તાપી 31, મોરબી 26, અમદાવાદ 25, નવસારી 23, જામનગર કોર્પોરેશન 18, વલસાડ 17, અમરેલી 16, દાહોદ 15, ગીર સોમનાથ 15, દેવભૂમિ દ્વારકા 13, પંચમહાલ 13, અરવલ્લી 12, ડાંગ 12, જામનગર 8, જૂનાગઢ 6, નર્મદા 6, સુરેન્દ્રનગર 6, મહીસાગર 4, ભાવનગર 2, છોટા ઉદેપુર 2, જૂનાગઢ કોર્પોરેશન 2 અને પોરબંદર 2 કેસ નોંધાયો છે.