ABP Cvoter Survey: પંજાબમાં કોગ્રેસનું થશે ધોવાણ, કેજરીવાલની પાર્ટીની બની શકે છે સરકાર
ABP Cvoter Survey for Punjab Election 2022 આગામી વર્ષની શરૂઆતમાં દેશમાં પાંચ રાજ્યોમાં વિધાનસભાની ચૂંટણીઓ યોજાવાની છે. ઉત્તર પ્રદેશ, ઉત્તરાખંડ, પંજાબની સાથે ગોવા અને મણિપુરમાં ચૂંટણી યોજાવાની છે.
એબીપી ન્યૂઝ સી વોટરના સર્વે અનુસાર આમ આદમી પાર્ટી આગામી ચૂંટણીમાં સૌથી મોટી પાર્ટી બનીને ઉભરી શકે છે. પંજાબમાં વિધાનસભાની 117 બેઠકો છે. આપને 51 થી 57 બેઠકો મળી શકે છે. જ્યારે કોગ્રેસને 38 થી 46, એસએડીને 16થી 24 અને ભાજપ અને અન્યને 0થી એક બેઠક મળી શકે છે.
એબીપી ન્યૂઝ સી વોટરના સર્વે અનુસાર પંજાબમાં આગામી વિધાનસભા ચૂંટણીમાં કોગ્રેસને 28.8 ટકા, શિરોમણી અકાલી દળને 21.8 ટકા, આમ આદમી પાર્ટીને 35.1 ટકા, ભાજપના ખાતામાં 7.3 ટકા અને અન્યના ખાતામાં 7 ટકા મત આવવાનો અંદાજ છે.
એબીપી ન્યૂઝ સી વોટર સર્વે અનુસાર પંજાબમાં 18 ટકા લોકો કેપ્ટન અમરિંદર સિંહને મુખ્યમંત્રી તરીકે જોવા માંગે છે. જ્યારે 22 ટકા અરવિંદ કેજરીવાલને, 19 ટકા લોકો સુખબીર બાદલને, 16 ટકા લોકો ભગવંત માનને, 15 ટકા લોકો નવજોત સિંહ સિંદ્ધુને અને 10 ટકા અન્યને મુખ્યમંત્રી ઉમેદવાર તરીકે જોવા માંગે છે.
પંજાબની 117 બેઠકો ધરાવતી વિધાનસભા ચૂંટણી 2017માં કોગ્રેસ 77 બેઠકો જીતીને સત્તા પર આવી હતી. કોગ્રેસે અમરિંદરની આગેવાનીમાં સરકાર બનાવી હતી. શિરોમણી અકાલી દળે ફક્ત 15 બેઠકો જીતી શકી હતી. જ્યારે આમ આદમી પાર્ટીએ શાનદાર પ્રદર્શન કરતા 20 બેઠકો જીતી રાજ્યમાં વિપક્ષી પાર્ટીનો દરજ્જો હાંસલ કર્યો હતો. ભાજપને 3 બેઠકો મળી હતી જ્યારે અન્યના ખાતામાં બે બેઠકો આવી હતી.
બ્રેકગ્રાઉન્ડ
Assembly Election 2022 ABP Cvoter Survey LIVE: આગામી વર્ષની શરૂઆતમાં દેશમાં પાંચ રાજ્યોમાં વિધાનસભાની ચૂંટણીઓ યોજાવાની છે. આ ચૂંટણી એટલા માટે ખૂબ મહત્વની છે કારણ કે તેમાં એ રાજ્ય પણ સામેલ છે જેના પર દેશની સૌથી વધુ 80 લોકસભા બેઠકો છે. વાત ઉત્તર પ્રદેશની થઇ રહી છે. ભાજપ 2024માં ફરીથી કેન્દ્રની સત્તામાં આવવા માંગે છે તો તેના માટે ઉત્તર પ્રદેશમાં જીત મેળવવી જરૂરી છે. તે સિવાય ઉત્તરાખંડ, પંજાબની સાથે ગોવા અને મણિપુરમાં ચૂંટણી યોજાવાની છે.
એબીપી ન્યૂઝ સી-વોટર તરફથી સર્વે કરીને જનતાનો મૂડ જાણવાનો પ્રયાસ કરવામાં આવ્યો છે. સર્વે દરમિયાન તમને જણાવીશું કે આગામી વર્ષે યોજાનારી આ પાંચ રાજ્યોની ચૂંટણીમાં કોની સરકાર બની શકે છે. કોણ કેટલી બેઠકો જીતી શકે છે. આ સાથે જ રાજ્યની પ્રજા પોતાના મુખ્યમંત્રીના ઉમેદવાર અંગે શું વિચારે છે.
નોંધનીય છે કે આગામી ચૂંટણીને ધ્યાનમાં રાખીને તમામ પક્ષોએ ચૂંટણીના રાજ્યોમાં કમર કસી લીધી છે. એવામાં સ્પષ્ટ છે કે આગામી વર્ષે પાંચ રાજ્યોમાં યોજાનારી વિધાનસભા ચૂંટણીની સીધી અસર દેશની 2024માં યોજાનારી લોકસભા ચૂંટણી પર પડશે.
- - - - - - - - - Advertisement - - - - - - - - -