એરસ્ટ્રાઇક પર બોલ્યા વાયુસેના ચીફ- અમે ટાર્ગેટ ઉડાવીએ છીએ, કેટલા મર્યા એ ગણી નથી શકતા

કોઇમ્બતૂરઃ પાકિસ્તાનમાં ઘૂસીને કરવામાં આવેલી એરસ્ટ્રાઇક પર વાયુસેના ચીફ એર માર્શલ બીએસ ધનોઆએ સોમવારે મોટુ નિવેદન આપ્યુ. કોઇમ્બતૂરમાં એક પ્રેસ કૉન્ફરન્સમાં તેમને એરસ્ટ્રાઇકને લઇને કેટલાક ખુલાસા કર્યા હતાં.



ધનોઆએ મીડિયા સાથની વાતચીતમાં કહ્યું કે, વાયુસેનાનું કામ ટાર્ગેટને હિટ કરવાનું છે, અમે તે કર્યુ. તેમાં કેટલા આતંકી માર્યા ગયા, એ ગણવાનું કામ અમારુ નથી.

ધનોઆએ પ્રેસમાં કહ્યું કે, વાયુસેનાને માત્ર ટાર્ગેટ મળે છે, જેને અમારે હિટ કરવાનો હોય છે. અમે તમને એ નથી બતાવી શકતા કે અંદર કેટલા લોકો હાજર હતાં. ધનોઆએ એ પણ કહ્યું કે, અમે જંગલમાં બૉમ્બમારો કર્યો છે તો પાકિસ્તાને રિસ્પૉન્સ કેમ કર્યો.