એર વાઈસ માર્શલ આરજીકે કપૂરે મીડિયાની સાથે વાતચીત કરતા કહ્યું અમે ખુશ છીએ કે અભિનંદન કાલે મુક્ત થઈ જશે અને અમને આશા હતી કે તે પરત ફરશે. વાયુસેના, થલસેના અને નૌસેનાની પ્રેસ કોન્ફરન્સમાં કહેવામાં આવ્યું કે આપણું સશસ્ત્ર દળ કોઈપણ પરિસ્થિતિ માટે તૈયાર છે.
વાયુસેનાના ઉપપ્રમુખ આર જી કે કપૂરે કહ્યું અમે ખુશ છીએ કે અભિનંદન કાલે મુક્ત થઈ જશે અને અમને આશા હતી કે તે પરત ફરશે. તેમણે કહ્યું કે અભિનંદન જે મિગ 21 વિમાન ઉડાવી રહ્યા હતા તે હવાઈ સંઘર્ષ દરમિયાન ક્રેશ થઈ ગયું અને આ ક્રમમાં પાકિસ્તાનનું એફ-16 વિમાન તોડી પાડવામાં આવ્યું. તેમણે કહ્યું કે અભિનંદન સુરક્ષિતરીતે બહાર નીકળવામાં સફળ રહ્યા પણ તેમનું પેરાશૂટ પાકિસ્તાન તરફ જતું રહ્યું અને તેઓ ત્યારથી પાકિસ્તાનમાં છે. ઉલ્લેખનીય છે કે પાકિસ્તાનના વડાપ્રધાન ઈમરાન ખાને ગુરુવારે તેમની સંસદમાં કહ્યું કે શાંતિના સંદેશ તરીકે ભારતીય પાઈલોટ અભિનંદનને કાલે મુક્ત કરવામાં આવશે.