નવી દિલ્હીઃ નોટબંધી બાદ લોકોની પડી રહેલી હાલાકીનો અંત હવે ટૂંકમાં જ આવી જશે. હિન્દી ચેનલ અનુસાર, સૂત્રો દ્વારા મળેલી જાણકારી અનુસાર 2000 રૂપિયાની નોટ છાપવાનું કામ પૂરું થઈ ગયું છે અને દેશમાં અંદાજે 2 લાખથી વધારે એટીએમનું સેટિંગ પણ થઈ ગયું છે. હવે 500 અને 2000 રૂપિયાની નોટ ઉપાડી શકાશે.
આ પહેલા ગુરુવારે સરકારે નોટ બદલવાની મર્યાદા 4500 રૂપિયાથી ઘટાડીને 2000 રૂપિયા કરી દીધી હતી. ઉપરાંત બેંક અને પોસ્ટ ઓફિસથી હવે 30 ડિસેમ્બર સુધી એક વખત જ રૂપિયા બદલાવી શકાશે. જોકે જૂની નોટ 30 ડિસેમ્બર સુધી જમા કરાવી શકાશે. મોદી સરકાર દ્વારા 8 નવેમ્બરને નોટબંધીની જાહેરાત બાદથી લોકો હેરાન થઈ ગયા છે. 500-1000 રૂપિયાની નોટ બંધ થયા બાદથી લોકો સતત બેંકો અને એટીએમના ચક્કર કાપી રહ્યા છે. કેટલાક લોકો દિવસ રાત એટીએમની બહાર વિતાવી રહ્યા છે.