નવી દિલ્હીઃ મહારાષ્ટ્ર, હરિયાણા અને ઝારખંડમાં યોજાનારી વિધાનસભા ચૂંટણી સાથે જોડાયેલા એક મોટા સમાચાર સામે આવ્યા છે. સુ્ત્રો અનુસાર ઝારખંડમાં મહારાષ્ટ્ર અને હરિયાણાની સાથે વિધાનસભાની ચૂંટણી નહીં યોજાય. ઉલ્લેખનીય છે કે, ઓક્ટોબરના અંતમાં મહારાષ્ટ્ર અને હરિયાણા વિધાનસભામાં ચૂંટણી થવાની છે.

ઉલ્લેખનીય છે કે, અત્યાર સુધી એ કયાસ લગાવવામાં આવી રહ્યો હતો કે, મહારાષ્ટ્ર, હરિયાણા અને ઝારખંડની ચૂંટણી આ વખતે સાથે કરાવવામાં આવશે. પણ સુત્રો પાસેથી મળેલી માહિતીએ આને ફગાવી દીધી છે.

માનવામાં આવી રહ્યું છે કે આગામી થોડાક દિવસોમાં ચૂંટણી પંચ વિધાનસભા ચૂંટણીની જાહેરાત કરશે. યાદ રહે કે બુધવારે ચૂંટણી પંચે જણાવ્યુ હતું કે, કેટલીક રાજકીય પાર્ટીઓ વિનંતી કરી રહી છે કે વિધાનસભા ચૂંટણી દિવાળી પછી કરાવો.