BJP નેતાનું આશ્ચર્યજનક નિવેદન, કહ્યું- કરન્સીની સ્થિતિ સુધારવા નોટ પર છાપો લક્ષ્મીની તસવીર
abpasmita.in | 16 Jan 2020 07:24 AM (IST)
પત્રકારોના સવાલનો જવાબ આપતાં સુબ્રમણ્યમ સ્વામીએ કહ્યું, નોટ પર લક્ષ્મીનો ફોટો હોવો જોઈએ, કારણકે ગણપતિ વિધ્નહર્તા છે. પરંતુ દેશની કરન્સીને સુધારવા માટે લક્ષ્મીનો ફોટો લગાવી શકાય છે. તેના પર કોઈને વાંધો નહીં હોય.
ખંડવાઃ ભારતીય જનતા પાર્ટીના વરિષ્ઠ નેતા અને રાજ્યસભા સાંસદ સુબ્રમણ્યમ સ્વામીએ દેશના અર્થંતંત્રને લઈ વિચિત્ર નિવેદન આપ્યું છે. તેમનું કહેવું છે કે, નોટ પર જો લક્ષ્મીની તસવીર છાપવામાં આવે તો ભારતીય ચલણની સ્થિતિ સુધરશે. મધ્યપ્રદેશના ખંડવા જિલ્લામાં એક કાર્યક્રમમાં તેમણે આ વાત કહી હતી.