Border Dispute: મોબાઇલ મારફતે ચીન કરી રહ્યું છે જાસૂસી? જાસૂસી એજન્સીઓએ સૈનિકોને સાવચેત કર્યા

લશ્કરી જવાનોના ફોનમાંથી આવી ઘણી એપ્લિકેશનો દૂર કરવામાં આવી હતી

India-China Border Dispute: સરહદ પર ચીન સાથે ચાલી રહેલા અવરોધ વચ્ચે સંરક્ષણ ગુપ્તચર એજન્સીઓએ ચાઈનીઝ મોબાઈલ ફોનને લઈને એડવાઈઝરી જાહેર કરી છે. ગુપ્તચર એજન્સીઓએ એ સુનિશ્ચિત કરવા કહ્યું છે કે સરહદ પર તૈનાત સૈનિકો અને તેમના પરિવારજનો ચાઈનીઝ મોબાઈલ ફોનનો ઉપયોગ ન કરે. ડિફેન્સ ઇન્ટેલિજન્સ એજન્સીઓ દ્વારા જાહેર કરાયેલ એડવાઈઝરીમાં જણાવવામાં આવ્યું છે કે વિવિધ સ્વરૂપો અને ચેનલો દ્વારા તેના કર્મચારીઓને આવા (ચાઈનીઝ) મોબાઈલ ફોન સાથે સાવધાની રાખવા માટે કહેવામાં આવે છે.

ન્યૂઝ એજન્સી ANI અનુસાર, ગુપ્તચર એજન્સીઓએ સૈનિકો અને તેમના પરિવારજનોને સલાહ આપી છે કે તેઓ ભારત પ્રત્યે દુશ્મનાવટ ધરાવતા દેશોમાંથી ફોન ખરીદવા અથવા તેનો ઉપયોગ કરવાનું ટાળે. સૂત્રોએ જણાવ્યું કે આ એડવાઈઝરી જાહેર કરવામાં આવી છે કારણ કે એવા કિસ્સાઓ સામે આવ્યા છે જેમાં એજન્સીઓને કથિત રીતે ચાઈનીઝ  મોબાઈલ ફોનમાં માલવેર અને સ્પાયવેર મળ્યા છે.

અગાઉ પણ ચાઈનીઝ એપ્લિકેશન દૂર કરવામાં આવી હતી

દેશના કોમર્શિયલ માર્કેટમાં ઉપલબ્ધ ચાઈનીઝ મોબાઈલ ફોનમાં Vivo, Oppo, Xiaomi, One Plus, Honor, Realme, ZTE, Gionee, Asus અને Infinixનો સમાવેશ થાય છે. ભૂતકાળમાં પણ જાસૂસી એજન્સીઓ ચાઈનીઝ મોબાઈલ ફોન એપ્લીકેશન સામે ઘણી સક્રિય રહી છે. લશ્કરી જવાનોના ફોનમાંથી આવી ઘણી એપ્લિકેશનો દૂર કરવામાં આવી હતી.

ભારત-ચીન વચ્ચે તણાવ યથાવત

સંરક્ષણ દળોએ પણ પોતાના ડિવાઇસ પર ચાઇનીઝ મોબાઇલ ફોન અને ચાઇનીઝ એપ્લિકેશનનો ઉપયોગ કરવાનું બંધ કરી દીધું છે. માર્ચ 2020 થી ભારત અને ચીન વચ્ચે સૈન્ય સંઘર્ષ વધ્યો છે. બંને દેશોએ પૂર્વી લદ્દાખથી અરુણાચલ પ્રદેશ સુધી LAC પર એકબીજા સામે ભારે સુરક્ષાદળો તૈનાત કર્યા છે. હાલમાં જ અરુણાચલ પ્રદેશના તવાંગ સેક્ટરમાં બંને દેશના સૈનિકો સામસામે આવી ગયા હતા. જે બાદ અધિકારીઓએ ફ્લેગ મીટિંગ કરીને સ્થિતિને કાબુમાં લીધી હતી.

PM Modi : કાળઝાળ ગરમી-હિટવેવને લઈ મોદી સરકાર એક્શનમાં, PMએ આપ્યા આદેશ

PM Modi High Level Meeting : વડાપ્રધાન નરેન્દ્ર મોદીએ આજે સોમવારે સાંજે આ વર્ષે ગંભીર હીટવેવની આશંકા વચ્ચે ગરમ હવામાનનો સામનો કરવા તેમજ તૈયારીઓની સમીક્ષા કરવા એક ઉચ્ચ સ્તરીય બેઠક બોલાવી હતી. બેઠકમાં પીએમ મોદીએ ચોમાસાની આગાહી, રવિ પાક પર અસર, મેડિકલ ઈન્ફ્રાસ્ટ્રક્ચરની તૈયારી અને ગરમી અને શમનના પગલાં સંબંધિત આપત્તિની તૈયારી વિશે પૂછપરછ કરી હતી.

પીએમઓ દ્વારા જારી કરાયેલા નિવેદન અનુસાર, વડાપ્રધાન મોદીએ વિવિધ હિતધારકો માટે અલગ-અલગ જાગૃતિ સામગ્રી તૈયાર કરવાના નિર્દેશ આપ્યા હતાં. આ સાથે પીએમ મોદીએ IMDને દરરોજ હવામાનની આગાહી એવી રીતે તૈયાર કરવાનો નિર્દેશ આપ્યો હતો કે, તેનું અર્થઘટન કરવું અને તેનો પ્રસાર કરવામાં સરળતા રહે. આ ઉપરાંત વડાપ્રધાને તમામ હોસ્પિટલોના વિગતવાર ફાયર ઑડિટની જરૂરિયાત પર પણ ભાર મૂક્યો હતો અને FCIને પ્રતિકૂળ હવામાન પરિસ્થિતિઓમાં અનાજનો મહત્તમ સંગ્રહ સુનિશ્ચિત કરવા માટે તૈયાર રહેવા જણાવ્યું હતું.