જયરામ રમેશે કહ્યું કે, અમે શિવસેનાના વૈચારિક વિરોધી હતી પરંતુ એ વાત ભૂલવી જોઇએ નહી કે 1967ના દાયકામાં કોગ્રેસ નેતા એસ.કે પાટિલ અને વી.પી નાયકે શિવસેનાની રચના માટે અનેક પ્રકારની જવાબદારી લીધી હતી. તેમનો હેતું એ સમયે મુંબઇમાં ટ્રેડ યુનિયન્સ AITUC અને CITUના એકાધિકારને ખત્મ કરવાનો હતો.
જયરામ રમેશે શિવસેના અને કોગ્રેસના જૂના ઇતિહાસ અંગેના તથ્યો જણાવ્યા હતા. રમેશે કહ્યું કે, આપણે એ ભૂલવું ના જોઇએ કે 1980માં મહારાષ્ટ્રના મુખ્યમંત્રી તરીકે અબ્દુલ રહેમાન અંતુલેનું સમર્થન કરનારા બાલ ઠાકરે પ્રથમ નેતા હતા. આ બાલ ઠાકરે એ હતા જેમણે એનડીએના વલણથી અલગ જઇને રાષ્ટ્રપતિ પદ માટે પ્રતિભા પાટિલનું સમર્થન કર્યું હતું.