Coronavirus Cases Today: કોરોનાના નવા કેસમાં આજે 12 ટકાનો વધારો, સતત બીજા દિવસે વધ્યા કેસ

Covid-19 India update: સ્વાસ્થ્ય મંત્રાલયના જણાવ્યા પ્રમાણે, છેલ્લા 24 કલાકમાં 2876 નવા કેસ નોંધાયા છે અને 98 સંક્રમિતોના મોત થયા છે

Coronavirus Cases Today India: દેશમાં કોરોનાની ત્રીજી લહેરમાં કેસો ઝડપથી ઘટી રહ્યા છે.  જોકે તેમ છતાં દેશમાં જીવલેણ કોરોના વાયરસ મહામારીના નાવ મામલામાં આજે સતત બીજા દિવસે વધારો થયો છે. ગઈકાલે દેશમાં 2568 કેસ નોંધાયા હતા તેના કરતાં 12 ટકા વધારે કેસ નોંધાયા છે.

સ્વાસ્થ્ય મંત્રાલયના જણાવ્યા પ્રમાણે, છેલ્લા 24 કલાકમાં 2876 નવા કેસ નોંધાયા છે અને 98 સંક્રમિતોના મોત થયા છે. જ્યારે 4722 સંક્રમિતોએ કોરોનાને મ્હાત આપી છે. દૈનિક પોઝિટિવિટી રેટ 0.38 ટકા છે.

• એક્ટિવ કેસઃ 32,811


• કુલ ડિસ્ચાર્જઃ 4,24,50,55


• કુલ મૃત્યુઆંકઃ 5,16,072


• કુલ રસીકરણઃ 180,60,93,107

12-14 વર્ષના બાળકોનું આજથી રસીકરણ

દેશમાં આજથી 12-14 વર્ષના બાળકોનું રસીકરણ શરૂ થયું છે. આ બાળકોને બોયોલોજિકલ ઈ-હૈદરાબાદ નિર્મિત કોર્બેવેક્સ રસી આપવામાં આવશે. ઉપરાંત 60 વર્ષથી મોટી વયના લોકો પણ પ્રીકોશન ડોઝ લઈ શકશે. દેશમાં અત્યાર સુધીમાં 15-18 વર્ષના બાળકોને જ રસી આપવામાં આવતી હતી.

કોરોનાનો આવશે નવો વેરિઅન્ટ ?

દેશમાં કોરોનાના ઘટતાં કેસ વચ્ચે નિષ્ણાતોએ કહ્યું કે કોરોનાનું જોખમ હજુ પણ ટળ્યું નથી. કોરોનાનો નવો વેરિઅન્ટ સામે આવે તેવી આશંકા છે. દેશભરમાં કોરોનાના કેસ ઘટી રહ્યા હોવાથી મોટાભાગના રાજ્યોએ કોરોના સંબંધિત પ્રતિબંધો હટાવી લીધા છે અને જનજીવનની બધી જ પ્રવૃત્તિઓ સામાન્ય થઈ ગઈ છે. જોકે, નિષ્ણાતોનું કહેવું છે કે આપણે હજુ પણ સાવધાની રાખવાની જરૂર છે. ટાટા ઈન્સ્ટિટયૂટ ફોર જિનેટિક્સ એન્ડ સોસાયટીના નિર્દેશક રાકેશ મિશ્રાએ કહ્યું કે હજુ કોરોના મહામારી અંતિમ તબક્કામાં પહોંચી નથી. દેશમાં ભવિષ્યમાં કોરોનાના નવા વેરિઅન્ટ સામે આવી શકે છે. કોરોના મહામારી ખતમ થઈ છે કે નહીં તેનો આધાર નવો કોઈ વેરિઅન્ટ સામે આવે છે કે નહીં તેના પર છે તેમ તેમણે કહ્યું હતું.