દેશમાં કોરોનાનું સંક્રમણ સતત વધી રહ્યું છે. સંક્રમિતોનો આંકડો લાખને પાર થઇ ગયો છે. આ સ્થિતિમાં કોરોનાના સંક્રમણમાં રેમડેસિવિર ઇંજેકશન કારગર સાબિત થયું છે. કોરોના વાયરસ સામે રેમેડસિવર કઇ રીતે કારગર છે જાણીએ....
દેશમાં રેમડેસિવિર ઇંજેકશનની ડિમાન્ડ વધતા તેની નિકાસ પર કેન્દ્રએ પ્રતિબંધ મૂકી દીધો છે. જે રેમડેસિવિર ઇંજેકશનની ડિમાન્ડ વધી છે, જેના માટે રાજકારણ પણ ગરમાયું છે, જે ઇંજેકશન માટે મધરાતે જ લાંબી લાઇનો લાગે છે. તે ઇંજેકશન આખરે શું છે અને વાયરસ સામે કેવી રીતે લડત આપે છે. જાણીએ...
રેમડેસિવિર શું છે?
રેમડેસિવિર એક એન્ટીવાયરલ દવા છે એટલે કે તે વાયરસને મારવાનું કામ કરે છે. આ દવા પ્રવાહી રૂપે હોવાથી તેને ઇંજેકશન દ્વારા આપવામાં આવે છે. મૂળ તો આ દવા હિપેટાઇટિસ-બી(કમળો)ના વાયરસ મારણ માટે શોધાઇ હતી. આ દરમિયાન 2014માં ઇબોલા વાયરસ આવ્યો. તેમાં પણ આ દવાનો ઉપયોગ થયો. ઉપરાંત આ દવાનો ઉપયોગ સાર્સ અને મર્સ વાયરસ સામે પણ થયો.
કોરોનામાં કઇ રીતે કારગર?
દરેક એન્ટીવાયરલ દવાની જેમ આ દવા પણ શરીરમાં વાયરસનું ડુપ્લીકેશન થતું રોકે છે એટલે શરીરમાં વાયરસનું થતું વધુ સંક્રમણને તે રોકે છે અને તેની ઘાતક અસર ઓછી કરે છે આ કારણે રેમેડસિવિર ઇંજેકેશન કોરોનામાં પણ કારગર નીવડી છે.
કોરોનાના કેવા દર્દી માટે કારગર રેમડેસિવિર?
કોરોનાના 85 ટકા દર્દીઓ માટે રેમડેસિવિર કારગર નથી. જે દર્દી કોરોનાગ્રસ્ત હોય પરંતુ તેમને શ્વાસ લેવામાં તકલીફ ન પડતી હોય. તેવા લોકોને રેમડેસિવિરનું ઇંજેકશન આપવાની જરૂર પડે છે, જે વ્યક્તિ વેન્ટીલેટર પર હોય તેમણે આ દવા આપવી કે નહીં તે અંગે પૂરતા સંશોધન હજું થયા નથી.
કયાં દર્દી માટે દવા ઘાતક બની શકે છે?
અમેરિકા ફૂડ એન્ડ ડ્રગ્સ વિભાગની મંજૂરી પ્રમાણે 12 વર્ષથી નાના 40 કિલોગ્રામથી ઓછું વજન ધરાવતા દર્દીને આ દવા ન આપી શકાય. આ ઇંજેકશનના કેટલાક સાઇડ ઇફેક્ટ પણ છે. જેના ધ્યાનમાં રાખવા પણ જરૂરી છે.