મંગળવારે દિલ્હીના સ્વાસ્થ્ય વિભાગના બુલેટિનમાં કહેવામાં આવ્યું છેકે, છેલ્લા 24 કલાકમાં કોરોનાને કારણે 68 લોકોના મોત થયા છે. કોરોના વાયરસ કેસને કારણે મરનારા લોકોની સંખ્યા વધીને 2301 પહોંચી છે. તેની સાથે જ સામે આવેલ લેટેસ્ટ આંકડા અનુસાર દિલ્હીમાં હેવ કુલ કોરોના કેસની સંખ્યા વધીને 66,602 થઈ ગઈ છે.
દિલ્હીમાં હાલમાં 24,988 દર્દીની સારવાર ચાલી રહી છે, જ્યારે 39,313 લોકો સાજા થયા છે. વાત જો દેશભરના કોરનોા સંક્રમિતની કરવામાં આવે તો અત્યાર સુધી કોરોનાના 4 લાખથી વધારે કેસ સામે આવ્યા છે. તેમાં રાહતની વાત એ છે કે અત્યાર સુધી 2 લાખથી વધારે લોકો સારવાર લઈને ઘરે ગયા છે. દેશભરમાં કોરોનાથી અત્યાર સુધીમાં 14 હજારથી વધારે લોકોના મોત થયા છે.
જણાવીએ કે, હાલમાં દેશમાં 4,40,215 કોરોના કેસ સામે આવ્યા છે. જેમાંથી 2,48,189 લોકો સારવાર લઈને ઘરે ગયા છે. જ્યારે 1,78,014 લોકો હાલમાં કોરોનાથી સંક્રમિત છે. કોરોનાને કારણે દેશભરમાં અત્યાર સુધી 14011 લોકો પોતાનો જીવ ગુમાવી ચૂક્યા છે.