સ્વાસ્થ્ય મંત્રાલય તરફથી આજે જાહેર કરાયેલા આંકડાઓ અનુસાર દિલ્હીમાં છેલ્લા 24 કલાકમાં 1350 નવા કોરોનાના કેસો નોંધાયા છે.
તાજા આંકડા પ્રમાણે, દિલ્હીમાં સંક્રમિતો દર્દીઓની કુલ સંખ્યા 25 હજારને પાર પહોંચી ગઇ છે. આમાંથી 9 હજાર 989 લોકો ઠીક થઇ ચૂક્યા છે, જ્યારે 14 હજાર 456 લોકો એવા છે, જેની સારવાર હાલ ચાલી રહી છે. દિલ્હીમાં અત્યાર સુધી 650 લોકોના મોત થઇ ચૂક્યા છે. છેલ્લા 24 કલાકમાં દિલ્હીમાં 44 લોકો જીવ ગુમાવી ચૂક્યા છે.
દેશમાં સૌથી વધુ કેસો મહારાષ્ટ્રમાં નોંધાયા છે, આંકડા પ્રમાણે, મહારાષ્ટ્રમાં સંક્રમિતોની કુલ સંખ્યા 77 હજાર 793 છે, આનાથી 33 હજાર 681 લોકો ઠીક થઇ ચૂક્યા છે, જ્યારે 41 હજાર 402 લોકો એવા છે જેનો ઇલાજ ચાલી રહ્યો છે. રાજ્યમાં અત્યાર સુધી સૌથી વધુ 2 હજાર 710 લોકોના મોત થઇ ચૂક્યા છે. મહારાષ્ટ્રમાં છેલ્લા 24 કલાકમાં 123 લોકોના મોત થયા છે.