દિલ્હી સરકારના આંકડા મુજબ શનિવારે 9873 આરટીપીસીઆર ટેસ્ટ કરવામાં આવ્યા અને 13263 એન્ટીજન ટેસ્ટ કરવામાં આવ્યા હતા. અત્યાર સુધીમાં દિલ્હીમાં 6,43,504 ટેસ્ટ કરવામાં આવ્યા છે. પ્રતિ દસ લાખની આબાદી પર દિલ્હીમાં ટેસ્ટની સંખ્યા 33868 છે.
દિલ્હીના મુખ્યમંત્રી અરવિંદ કેજરીવાલે કહ્યું કે દિલ્હીમાં કોવિડ-19ના એવા દર્દીઓની સંખ્યામાં ઘટાડો થઈ રહ્યો છે જેમને હોસ્પિટલમાં દાખલ કરવાની જરૂર પડે અને મોટાભાગના લોકો ઘર પર રહીને જ સ્વસ્થ થઈ રહ્યા છે. તેમણે કહ્યું હોસ્પિટલમાં દર્દીઓની સંખ્યામાં ઘટાડો થયો છે અને હાલમાં 9,900 કોવિડ બેડ ખાલી છે.
સીએમ કેજરીવાલે એક ટ્વીટમાં કહ્યું, દિલ્હીમાં હવે ઓછામાં ઓછા લોકોને હોસ્પિટલમાં દાખલ થવાની જરૂર પડી રહી છે, મોટાભાગના લોકો ઘર પર જ સ્વસ્થ થઈ રહ્યા છે.