દેશમાં એક તરફ કોરોનાનું સંક્રમણ વધી રહ્યું છે ત્યારે બીજી તરફ દેશમાં રિકવરી રેટ એટલે સંક્રમણથી સ્વસ્થ થનારા દર્દીઓની સંખ્યામાં પણ સતત વધારો થઈ રહ્યો છે. ભારતમાં હાલના સમયે સંક્રમણથી 2,27,756 દર્દી સ્વસ્થ થયા છે. છેલ્લા 24 કલાકમાં 13925 દર્દીઓ સ્વસ્થ થયા છે. ભારતમાં કોરોના વાયરસ સામે લડી સ્વસ્થ થતા લોકોની દર એટલે કે રિકવરી રેટ 55.59 ટકા છે. છેલ્લા ઘણા દિવસોથી તેમા સુધારો થઈ રહ્યો છે.
ભારતમાં હાલના સમયે કુલ 1,69,451 એક્ટિવ દર્દીઓ છે, તેની સારવાર ચાલી રહી છે. જ્યારે ભારતમાં સંક્રમણથી સ્વસ્થ થનારા દર્દીઓની સંખ્યા એક્ટિવ દર્દીઓથી વધુ છે. આ સંખ્યા 58305 વધુ છે.
સ્વસ્થ થતા દર્દીઓની સંખ્યાની સાથે સાથે ટેસ્ટિંગ લેબની સંખ્યા પણ વધી રહી છે. આ સમયે ભારતમાં કુલ 981 લેબ છે જ્યા કોરોના ટેસ્ટ થઈ રહ્યા છે. જેમાંથી 722 સરકારી લેબ છે જ્યારે 259 ખાનગી લેબ છે.