નવી દિલ્હીઃ કોરોના વાયરસે આખી દુનિયાને પોતાની ઝપેટમાં લઇ લીધી છે. અત્યાર સુધી આ વાયરસે કેટલાક હજારો નિર્દોષોનો જીવ લઇ લીધો છે. દુનિયાભરમાં કોરોના વાયરસથી મરનારાઓની સંખ્યા હાલ 10 હજારથી પણ વધુ થઇ ગઇ છે. ચીનના વુહાન શહેરમાંથી શરૂ થયેલો આ કોરોના વાયરસનો કહેર હવે દુનિયાભરમાં ફેલાવો કરી રહ્યો છે. આ વાયરસની અસર હાલ ચીન કરતાં પણ સૌથી વધુ ઇટાલીમાં થઇ છે. ચીનથી વધુ લોકોના મોત પણ હાલ ઇટાલીમાં થઇ રહ્યાં છે.
અત્યાર સુધી આ વાયરસથી 10,041 લોકોના મોત થઇ ચૂક્યા છે. સૌથી વધુ મોત ઇટાલીમાં 3405 લોકોના થયા છે. વળી, ચીનમાં 3248 લોકોના મોત થયા છે.
અન્ય દેશોની વાત કરીએ તો આ વાયરસના કારણે ઇરાનમાં 1284, અમેરિકામાં 214, સ્પેનમાં 831 લોકોએ પોતાનો જીવ ગુમાવ્યો છે. દુનિયાભરમામાં હાલના સમયે 245,073 લોકો કોરોના વાયરસથી સંક્રમિત છે.