ફ્રન્ટલાઇન કોરોના વોરિયર્સ વેક્સિનેટ થયા બાદ હવે ભારતમાં કોરોના વેક્સિનનનો બીજો તબક્કો શરૂ થયો છે. બીજા તબક્કામાં 60 વર્ષથી મોટી ઉંમરના અને 45થી વધુ ઉંમરના ગંભીર બીમારીથી પિડાતા લોકોને વેક્સિન અપાશે. વેક્સિનેશન માટે એપ પર રજિસ્ટ્રેશન કરાવતા પહેલા ચેતજો. હાલ સોશિયલ મીડિયા પર એક ફેક એપની માહિતી વાયરલ થઇ રહી છે. સોશિયલ મીડિયા પર હાલ કોરોનાના રસી માટે રજિસ્ટ્રેશન કરાવવા માટે #covid19 નામની એપની માહિતી વાયરલ થઇ રહી છે. જેમાં જણાવવામાં આવ્યું છે કે,  #covid19ની  એપ પર રજિસ્ટ્રેશન કરાવવાથી આપ વેક્સિનેશન માટે રજિસ્ટ્રેશન કરાવી શકશો. જો કે વાયરલ એપ મુદ્દે ચકાસણી કરતા જાણવા મળ્યું છે કે, #covid19ના નામે વાયરલ  આ એપ ફેક છે,  કોરોના વેક્સિનેશન માટે #covid19 નામની કોઇ એપ છે નથી. રજિસ્ટ્રેશન   Aarogya Setu અથવા Cowin.gov.in  વેબસાઇટ પર કરી શકો છો. આરોગ્ય મંત્રાલયે એવી માહિતી શેર કરી છે કે રસી નોંધણી માટે કોઈ આ પ્રકારની એપ  નથી. , પ્લે સ્ટોર પર કોવિન નામની જે એપ્લિકેશન છે. તે ઓફિશિયલ ઉપયોગ માટે છે.  આરોગ્ય મંત્રાલયે પોતાના ટ્વિટમાં માહિતી આપી છે કે, 'કોવિડ -19ના  રસીકરણ માટે નોંધણી  CoWIN પોર્ટલ cowin.gov.in એપ પરથી કરી શકાય છે. નોંધણી માટે કોઈ કોવિન એપ્લિકેશન નથી. પ્લે સ્ટોર પર એપ્લિકેશન એડમિનિસ્ટ્રેટર માટે જ છે.