દુષ્યંત ચૌટાલા પોતે સામે આવી ને જેજેપી ચૂંટણી નહી લડવાની જાહેરાત કરી હતી. માનવામાં આવી રહ્યું હતું કે હરિયાની નજીક આવેલી નઝફગઢ અને મુંઢકા બેઠકો પર જેજેપી પોતાના ઉમેદવાર ઉતારશે. આ બંને બેઠકો પર જાટ મતદારો મોટી સંખ્યામાં છે અને તેમની વચ્ચે દુષ્યંતનો ચહેરો ખૂબ જાણીતો છે.
આમ આદમી પાર્ટીને ટક્કર આપવા ભાજપ મહાગઠબંધન બનાવી તેવા રિપોર્ટ્સ સામે આવ્યા હતા. અટકળો ચાલી રહી હતી કે ભાજપ, જેજેપી, અકાલી દળ, એલજેપી અને જેડીયૂ સાથે મળી ચૂંટણી લડશે. પરંતુ CAA પર પોતાનો નિર્ણય જણાવતા અકાલી દળે ચૂંટણી ન લડવાની જાહેરાત કરી હતી. હવે જેજેપીએ પણ ચૂંટણી ન લડવાની જાહેરાત કરી છે.