દિલ્હીઃ ભારે વરસાદથી અંડરબ્રિજમાં ફસાઈ DTCની બસ, સીડી મુકી ડ્રાઇવર-કંડકટરને કઢાયા બહાર
એબીપી અસ્મિતા વેબ ટીમ | 19 Jul 2020 10:10 AM (IST)
ભારે વરસાદના કારણે અનેક જગ્યાએ પાણી ભરાઈ ગયા હતા. હવામાન વિભાગના જણાવ્યા મુજબ દિલ્હીમાં આગામી બે દિવસ સુધી ભારે પવનની સાથે હળવાથી મધ્યમ વરસાદની આગાહી કરવામાં આવી છે.
નવી દિલ્હીઃ રાજધાની દિલ્હીમાં પડી રહેલા વરસાદથી લોકોને ગરમીમાંથી રાહત મળી છે. ભારે વરસાદના કારણે અનેક જગ્યાએ પાણી ભરાઈ ગયા હતા. હવામાન વિભાગના જણાવ્યા મુજબ દિલ્હીમાં આગામી બે દિવસ સુધી ભારે પવનની સાથે હળવાથી મધ્યમ વરસાદની આગાહી કરવામાં આવી છે. ભારે વરસાદના કારણે દિલ્હીના અનેક વિસ્તારોમાં પાણી ભરાઈ જવાના કારણે વાહનચાલકોને મુશ્કેલી પડી રહી છે. મુશળધાર વરસાદના કારણે દિલ્હીના મિંટો રોડ વિસ્તારના અંડરપાસમાં પાણી ભરાઈ ગયું હતું. આ દરમિયાન ત્યાંથી પસાર થતી DTCની બસ પાણીમાં બંધ ગઈ હતી અને બે ઓટો પણ પાણીમાં ફસાઈ ગઈ હતી.