જેલમાંથી છૂટ્યા બાદ ભાવુક બન્યા દયાશંકર સિંહ, કહ્યું- પહેલા પુત્રીને મળીશ, પછી આગળની લડાઈ લડીશ

મઉ: 10 દિવસ જેલમાં રહ્યા પછી સસ્પેંડ થયેલ બીજેપી નેતા દયાશંકર સિંહ રવિવારે સવારે મઉ જેલમાંથી જામીન પર છૂટ્યા હતા. જેલમાંથી બહાર આવતા જ પુત્રી અને પત્નીને જોઈને ભાવુક થઈ ગયા હતા અને તેમની આંખોમાં આસું આવી ગયા હતા. દયાશંકર સિંહે કહ્યું કે પહેલા બીમાર પત્ની અને પુત્રીને જોઈશ પછી જ કોઈ રાજનૈતિક વાત કરીશ.

શનિવારે જામીનનો નિર્ણય આવતાં જ દયાશંકરના સમર્થક મઉ જેલની બહાર ભેગા થયા હતા. મોડી રાત્ર સુધી તેમને જેલમાંથી છૂટકારો ન મળતા તેમના સમર્થકોએ જેલની બહાર રાત વિતાવી હતી. રવિવારે સવારે લગભગ 8 વાગે દયાશંકર મઉ જેલમાંથી બહાર નીકળ્યા હતા. જેલની બહાર દયાશંકરના સમર્થકોએ નસીમુદ્દીન સિદ્દીકી વિરુદ્ધ જોરદાર સૂત્રોચ્ચાર કર્યો હતો. જેલમાંથી બહાર નીકળ્યા પછી દયાશંકરે પત્રકારો સાથે વાતચીત કરી હતી.