આ દરમિયાન સની દેઓલનો એક જૂનો વીડિયો વાયરલ થઈ રહ્યો છે. જેમાં તે દીપને નાના ભાઈ સમાન ગણાવી રહ્યો છે. આ વીડિયોમાં સની દેઓલ કહે છે, દીપને હું ઘણા વર્ષોથી ઓળખું છું. તે મારા માટે નાના ભાઈ જેવો છે. તે ફિલ્મોમાં પોતાનો રસ દાખવે છે.
લાલ કિલ્લા પર થયેલા પ્રદર્શનમાં દીપ સિદ્ધુનું નામ સામે આવ્યા બાદ સની દેઓલે સ્પષ્ટતા કરી હતી કે, મારો તેની સાથે કોઇ પ્રકારનો સંબંધ નથી. તેણે ટ્વીટ કરીને લખ્યું, લાલ કિલ્લા પર જે થયું તે જોઈ મન દુખી છે. હું આ પહેલા પણ 6 ડિસેમ્બરે ટ્વીટરના માધ્યમથી સ્પષ્ટતા કરી ચુક્યો છું કે મારો કે મારા પરિવારનો દીપ સિદ્ધુ સાથે કોઇ સંબંધ નથી.
2019ની લોકસભા ચૂંટણીમાં સની દેઓલના પ્રચારમાં દીપ સિદ્ધૂ સતત સાથે જોવા મળ્યો હતો. ઉપરાંત તેણે સની સાથે પીએમ મોદીની મુલાકાત કરી હતી. આ તસવીર હાલ સોશિયલ મીડિયામાં વાયરલ થઈ છે.