ધારાવીમાં કોરોના સામે લડવા માટે અપનાવવામાં આવેલા '4-ટી મોડલ' (ટ્રેસિંગ, ટ્રેકિંગ, ટેસ્ટિંગ અને ટ્રીટિંગ)ની વિશ્વ સ્વાસ્થ્ય સંગઠન પણ પ્રશંસા કરી ચૂક્યું છએ. એપ્રિલ-મે મહિનામાં અહીં અચાનક વધેલા કેસને લઈ મુંબઈ મહાનગરપાલિકા પ્રશાસનની ચિંતામાં વધારો કર્યો હતો.
પરંતુ છેલ્લા 19 દિવસથી અહીં કોરોના દર્દીઓની સંખ્યા સિંગલ ડિઝિટમાં ચાલી રહી છે. એક્ટિવ કેસ પણ માત્ર 10 છે હાલ, આ રીતે સામાન્ય થઈ રહેલી ધારાવી ફરી એક વખત ઝડપ પકડવાની કોશિશ કરતી જોવા મળી રહી છે.
મહારાષ્ટ્રમાં શુક્રવારે કોરોના સંક્રમણના 3 હજાર 431 કેસ નોંધાયા છે અને 71 લોકોના મોત થયા છે. રાજ્યના સ્વાસ્થ્ય વિભાગ મુજબ, રાજ્યમાં કુલ કોરોના સંક્રમિતોની સંખ્યા વધીને 19 લાખ 13 હજાર 382 થઈ ગઈ છે. અત્યાર સુધીમાં મહારાષ્ટ્રમાં કોરોનાથી કુલ 18 લાખ 6 હજાર 298 લોકો રિકવર થયા છે. રાજ્યમાં કુલ એક્ટિવ કેસ 56 હજાર 823 છે.