કોરોનાની મહામારી વચ્ચે દેશની જનતા પર મોંઘવારીનો સતત માર પડતો રહ્યો છે. થોડા દિવસની રાહત બાદ ફરીએકવાર પેટ્રોલ-ડિઝલના ભાવ વધારો થતા જનતાના ખિસ્સા ખાલી થઈ રહ્યો છે. આજે પેટ્રોલના ભાવમાં 23 પૈસા અને ડીઝલના ભાવમાં 27 પૈસાના વધારો થયો છે અને અમદાવાદમાં પેટ્રોલનો ભાવ 90 રૂપિયા 47 પૈસા થયો છે. તો ડીઝલનો ભાવ 90 રૂપિયા 79 પૈસા પર પહોંચ્યો છે.
પાંચ દિવસ બાદ ફરી પેટ્રોલ અને ડીઝલના ભાવમાં વધારો થતા મધ્યવર્ગને વધુ એક મોંઘવારીનો માર પડ્યો છે. મે મહિનામાં બાર વખત કરાયેલા ભાવ વધારાને લીધે એક લીટર પેટ્રોલના ભાવમાં બે રૂપિયા 81 પૈસાનો જ્યારે ડિઝલમાં ત્રણ રૂપિયાને 34 પૈસાનો વધારો થયો છે.
રાજ્યોમાં પેટ્રોલ-ડિઝલ પરના વેટના દર અલગ હોવાથી દરેક રાજ્યમાં પેટ્રોલ અને ડિઝલના ભાવ અલગ અલગ છે. રાજસ્થાન, મધ્ય પ્રદેશ અને મહારાષ્ટ્રના કેટલાક શહેરોમાં પેટ્રોલનો ભાવ 100 રૂપિયાને પાર પહોંચી ગયો છે.
ચાર મે બાદ પેટરોલ ડીઝલનો આ 13મી વખત ભાવ વધારો છે. આ પહેલા પશ્ચિમ બંગાળ સહિત અન્ય રાજ્યોમાં વિધાનસભા ચૂંટણી દરમિયાન 18 દિવસ સુધી પેટ્રોલ ડીઝલના ભાવમાં કોઈ ફેરફાર કરવામાં આવ્યો ન હતો.
દરરરોજ 6 કલાકે કિંમતમાં ફેરફાર થાય છે
પેટ્રોલ અને ડીઝલની કિંમત દરરોજ સવારે છ કલાકે બદલાય છે. એટલે કે સવારે છ કલાકથી નવા દર લાગુ થઈ જાય છે. એક્સાઈઝ ડ્યૂટી, ડીલર કમીશન અને અન્ય ટેક્સ જોડ્યા બાદ પેટ્રોલ ડીઝલની કિંમત લગભગ બે ગણી થઈ જાય છે.
પેટ્રોલ ડીઝલની કિંમત દરરોજ સવારે 6 કલાકે અપડેટ થાય છે. પેટ્રોલ ડીઝલના રોજના રેટ SMS દ્વારા પણ જાણી શકો છે. ઇન્ડિયન ઓઈલના કસ્ટમર RSP લખીને 9224992249 નંબર પર અને બીપીસીએલના ગ્રાહકો RSP લખીને 9223112222 નંબર પર મોકલી ભાવ જાણી શકે છે. જ્યારે એચપીસીએલના ગ્રાહકો HPPrice લખીને 9222201122 નંબર પર મોકલીને ભાવ જાણી શકે છે.