ગોઆમાં ભાજપ સરકારે ક્યા વિદેશી ખેલાડીની પ્રતિમા મૂકતાં લોકો ભડક્યાં ? જાણો શું છે વિરોધનું કારણ ?

ભારતની આઝાદી પછી પણ તેમનો કબજો રહ્યો હતો. આશરે 60 વર્ષ પહેલાં જ તેમણે ગોઆ છોડ્યું છે. તે સિવાય લઈ ભારે હોબાળો થઈ રહ્યો છે.

નવી દિલ્લીઃ ગોઆમાં ભાજપની પ્રમોદ સાવંક સરકાર દ્વારા પ્રસિધ્ધ ફૂટબોલ ખેલાડી પોર્ટુગલના ક્રિસ્ટિયાનો રોનાલ્ડોની પિત્તળની વિશાળ પ્રતિમા લગાવાતાં ઉગ્ર વિરોધ થઈ રહ્યો છે. ગોઆમાં પોર્ટુગીઝ રાજ હતું અને ભારતે લશ્કરી કાર્યવાહી કરીને ગોઆ પર કબજો કર્યો હતો. ગોઆ પર અત્યાચાર કરનારા દેશના એક ખેલાડીની પ્રતિમા લગાવાતાં લોકો  વિરોધ કરી રહ્યાં છે. 

ગોઆ સરકારના મંત્રી માઈકલ લોબોએ આ અંગે પ્રતિક્રિયા આપતા કહ્યું કે, યુવાનોને પ્રેરિત કરવા તથા રાજ્ય અને દેશમાં ફુટબોલને આગલા સ્તર સુધી લઈ જવા માટે રોનાલ્ડોની મૂર્તિ સ્થાપિત કરવામાં આવી છે. તેને સ્થાપિત કરવાનો ઉદ્દેશ્ય યુવા પેઢીને રમતો પ્રત્યે જાગૃત કરવાનો અને તેમના સપનાંને પૂરા કરવાનો છે.

ગોવાના દરિયા કિનારે આવેલા કલંગૂટ નામના ગામના પાર્કમાં પ્રસિધ્ધ ફુટબોલ ખેલાડી ક્રિસ્ટિયાનો રોનાલ્ડોની પિત્તળની એક વિશાળ પ્રતિમા લગાવાઈ છે. કલગુંટ ગામમાં રહેતા લોકો રોનાલ્ડો  પોર્ટુગીઝ હોવાના કારણે તેનો ભારે વિરોધ કરી રહ્યા છે. વિરોધઓના કહેવા પ્રમાણે તેઓ ફક્ત એ વાતે જ રોષે નથી ભરાયા કે, એક વિદેશી ખેલાડીને આ પ્રકારનું સન્માન આપવામાં આવ્યું પરંતુ એક પોર્ટુગીઝ ખેલાડીને પસંદ કરવામાં આવ્યો તેનો પણ વિરોધ છે. રાજ્યના લોકોને એ વાતનો વાંધો છે કે, કોઈ ભારતીય ખેલાડીની પ્રતિમા લગાવવાના બદલે પોર્ટુગીઝ ખેલાડીની પ્રતિમા લગાવવામાં આવી છે. 

ગોવા પર સદીઓ સુધી પોર્ટુગલે કબજો જમાવેલો હતો. ભારતની આઝાદી પછી પણ તેમનો કબજો રહ્યો હતો. આશરે 60 વર્ષ પહેલાં જ તેમણે ગોઆ છોડ્યું છે. તે સિવાય લઈ ભારે હોબાળો થઈ રહ્યો છે. તક્રિસ્ટિયાનો રોનાલ્ડોના પ્રશંસકો સમગ્ર વિશ્વમાં ફેલાયેલા છે. 5 વાર બૈલેન ડીઓર એવોર્ડ જીતનારા રોનાલ્ડોના લાખો પ્રશંસકો ભારતમાં પણ છે. ઈંગ્લેન્ડની ક્લબ માન્ચેસ્ટર યુનાઈટેડ તરફથી રમનારા રોનાલ્ડોની મૂર્તિ ગોવાની રાજધાની પણજીમાં પણ લગાવવામાં આવી છે. આ મૂર્તિનું વજન 410 કિગ્રા છે. 

 

આ પણ વાંચો..........