Google Pay for Business એપ દ્વારા લોન
કંપની આ નવા સાહસ માટે પોતાની યૂપીઆઈ પેમેન્ટ એપ ‘ગૂગલ પે’ના બિઝનેસ વર્ઝન ‘ગૂગલ પે ફોર બિઝનેસ’નો ઉપયોગ કરવા જઈ રહી છે. ગેજેટ્સ 360ના રિપોર્ટ અનુસાર કંપની તેના માટે પોતાની સહયોગી નાણાંકીય સંસ્થાઓના સંપર્કમાં છે અને આ યોજના પર કામ કરી રહી છે. હાલમાં કંપનીએ તેના વિશે વધારે જાણકારી આપી નથી.
ગુરુવારે 25 જૂના રોજ ગૂગલે પોતાના આ નવા સાહસની જાહેરાત કરી. કંપનીએ જણાવ્યું કે, ગૂગલ પે ફોર બિઝનેસ (Google Pay for Business)એપ સાથે પહેલાથી જ દેશમાં અંદાજે 30 લાખ નાના વેપારીઓ જોડાયેલ છે અને હવે કંપની આવનારા સમયમાં તેમને લોન આપવાની સુવિધા પર કામ કરી રહી છે.
દેશભરમાં મળશે 'Nearby Stores' ફીચર
તેની સાથે જ કંપની પોતાના ‘Nearby Stores’ ફીચરને પણ હવે દેશભરમાં લાગુ કરવા જઈ રહી છે. આ ફીચર દ્વારા ગૂગલ પે એપ પર યૂઝર્સ પોતાના નજીકના સ્ટોર્સ વિશે જાણકારી મેળવી શકશે. આ ફીચર પહેલાથી જ દિલ્હી, મુંબઈ, પુણે, હૈદ્રાબાદ અને ચેન્નઈમાં ઉપલબ્ધ હતું પરંતુ હવે અન્ય યૂઝરને પણ મળશે.
કંપનીને આશાછે કે તેના દ્વારા ગ્રાહકોને પોતાના સ્થાનીક દુકાનદાર વિશે જાણકારી મળશે અને એ પણ નાના વેપારીઓને મદદ પહોંચાડશે.