ભારતના સ્ટાર ઓલ રાઉન્ડર હાર્દિક પંડ્યાએ પિતાનો એક વીડિયો તેમના ઇન્સ્ટાગ્રામ અકાઉન્ટ પર પોસ્ટ કર્યો છે. આ વીડિયો તે સમયનો છે. જ્યારે હાર્દિક પંડ્યાએ તેમના પિતા હિમાંશુ પંડ્યાને કાર ગિફ્ટ કરી હતી. તેમણે પિતાને આ સરપ્રાઇઝ ગિફ્ટ આપી હતી. આ વીડિયો શેર કરતા તેમણે એક ઇમોશનલ નોટ પણ લખી છે. તેમણે લખ્યું કે, “આપ અમારી સાથે હવે નથી એ વિચારીને રડવું આવે છે. પરંતુ આપને હસતાં જોઇને એટલી ખુશી થાય છે, જાણે એક બાળક કેન્ડી જોઇને ખુશ થઇ જાય’ મને આપને યાદ કરીને ખૂબ જ ખુશી થાય છે, લવ યૂ ડેડી”
આ પહેલી વખત નથી કે, હાર્દિકે તેમના પિતાને યાદ કરતા વીડિયો શેર કર્યો હોય અને ઇમોશનલ નોટ લખી હોય. પિતાના નિધન બાદ ભાઇ કૃણાલ સાથે તેમણે અનેક વખત પિતાની યાદોને સોશિયલ મીડિયા પર પોસ્ટ કરી છે. આ પહેલા પણ તેમણે પિતા સાથે તેમની ફોટો પોસ્ટ કરતા લખ્યું હતું કે, ‘આપ હવે આ દુનિયામાં નથી, આ હકીકતને સ્વીકારવી મારા માટે જિંદગીનું સૌથી મુશ્કેલ કામ બની ગયું છે”