સાઈબરાબાદ કમિશ્નરે ત્રણ પોલીસકર્મીઓને સસ્પેન્ડ કર્યા છે. જેમાં શમશાબાદ પોલીસ સ્ટેશન પર તૈનાત એક સબ ઇન્સપેક્ટર અને રાજીવ ગાંધી એરપોર્ટ પોલીસ સ્ટેશન પર તૈનાત બે પોલીસકર્મીઓને સસ્પેન્ડ કરાયા છે. આ પોલીસકર્મીઓને એફઆઈઆઈ લખવામાં મોડું કર્યું હતું.
પોલીસના જણાવ્યા અનુસાર મહિલા ડૉક્ટર ગુમ થવા સંબંધીત મામલે ફરિયાદ નોંધવામાં મોડું થયું હતું. તપાસમાં સામે આવ્યું છે આ પોલીસકર્મીઓએ ફરિયાદ નોંધવામાં મોડું કર્યું હતું.
આ પહેલા ગેંગરેપ અને હત્યાના કેસમાં ચાર આરોપીઓની ધરપકડ કરવામાં આવી છે. આ ચારેય આરોપીઓને કોર્ટે 14 દિવસની જ્યુડીશિયલ કસ્ટડીમાં મોકલી દીધા છે. ચારેય યુવકો પર આરોપ છે કે ગેંગરેપને અંજામ આપ્યા બાદ યુવતીને આગને હવાલે કરી દીધી હતી.