ICC એ મહિલા ટી20 વર્લ્ડ કપ 2023 નું શેડ્યૂલ જાહેર કર્યું, એક જ ગ્રુપમાં ભારત અને પાકિસ્તાન

 ICC એ મહિલા T20 વર્લ્ડ કપ 2023નું શેડ્યૂલ બહાર પાડ્યું છે. ICC દ્વારા T20 વર્લ્ડ કપના જાહેર કરાયેલા શેડ્યૂલમાં ભારત અને પાકિસ્તાનને એક જ ગ્રુપમાં રાખવામાં આવ્યા છે.

ICC Women’s T20 World Cup 2023:  ICC એ મહિલા T20 વર્લ્ડ કપ 2023નું શેડ્યૂલ બહાર પાડ્યું છે. ICC દ્વારા T20 વર્લ્ડ કપના જાહેર કરાયેલા શેડ્યૂલમાં ભારત અને પાકિસ્તાનને એક જ ગ્રુપમાં રાખવામાં આવ્યા છે. આ વર્લ્ડ કપમાં 10 ટીમો ભાગ લેશે. બીજી તરફ ભારતની સાથે પાકિસ્તાન, વેસ્ટ ઈન્ડિઝ, ઈંગ્લેન્ડ અને આયર્લેન્ડને ગ્રુપ બીમાં રાખવામાં આવ્યા છે. ICC દ્વારા જાહેર કરાયેલા શેડ્યૂલ મુજબ, T20 વર્લ્ડ કપ 2023 10 ફેબ્રુઆરીથી શરૂ થશે, જ્યારે તેની ફાઇનલ મેચ 26 ફેબ્રુઆરીએ રમાશે.

ભારત અને પાકિસ્તાન એક ગ્રુપમાં

દક્ષિણ આફ્રિકામાં આયોજિત થનારો મહિલા T20 વર્લ્ડ કપ 2023 આવતા વર્ષે 10 ફેબ્રુઆરીથી શરૂ થશે. તે જ સમયે, આ T20 વર્લ્ડની ફાઇનલ મેચ 26 ફેબ્રુઆરીએ રમાશે. T20 વર્લ્ડ કપમાં ભારત, પાકિસ્તાન, વેસ્ટ ઈન્ડિઝ, ઈંગ્લેન્ડ અને આયર્લેન્ડને એક ગ્રુપમાં રાખવામાં આવ્યા છે. આ ટીમો ગ્રુપ બીમાં છે. જ્યારે ઓસ્ટ્રેલિયા, દક્ષિણ આફ્રિકા, બાંગ્લાદેશ, ન્યુઝીલેન્ડ અને શ્રીલંકાને ગ્રુપ Aમાં રાખવામાં આવ્યા છે. આ ટૂર્નામેન્ટ 10 ફેબ્રુઆરીથી શરૂ થશે અને આ ટૂર્નામેન્ટની ફાઈનલ 26 ફેબ્રુઆરીએ કેપટાઉનમાં રમાશે.

ICCએ આજે ​​કેપટાઉનમાં આ સમગ્ર ઈવેન્ટનું શેડ્યૂલ જાહેર કર્યું હતું, જ્યારે આ ઈવેન્ટમાં મિતાલી રાજ, ભૂતપૂર્વ ભારતીય કેપ્ટન, મહાન બેટ્સમેન અને આઈસીસીની એમ્બેસેડર પણ હાજર હતી. મિતાલીએ કહ્યું કે તે દક્ષિણ આફ્રિકામાં યોજાનારી ટૂર્નામેન્ટને લઈને ખરેખર ઉત્સાહિત છે. મિતાલી રાજે કહ્યું કે શેડ્યૂલની જાહેરાત અમને મહિલા T20 વર્લ્ડ કપની એક ડગલું નજીક લઈ જઈ રહી છે. મને ખાતરી છે કે દક્ષિણ આફ્રિકામાં મોટી સંખ્યામાં ચાહકો ખેલાડીઓનું સમર્થન કરશે. મિતાલીએ કહ્યું કે હું ભાગ્યશાળી છું કે મને વર્ષોથી ICC ટૂર્નામેન્ટમાં ભાગ લેવાની તક મળી.

તમને જણાવી દઈએ કે કેપ્ટન હરમનપ્રીત કૌરના નેતૃત્વમાં ઓસ્ટ્રેલિયામાં આયોજિત 2020 વર્લ્ડ કપમાં ભારતીય ટીમ રનર અપ રહી હતી. આ વખતે 2023ના વર્લ્ડ કપમાં ભારતીય ટીમને પહેલીવાર આ તાજ પસંદ પડશે. 

ટી20 વર્લ્ડ કપમાંથી આખરે બહાર થયો જસપ્રીત બુમરાહ

ઓસ્ટ્રેલિયામાં યોજાનારા T20 વર્લ્ડ કપ પહેલા ટીમ ઈન્ડિયાને મોટો ઝટકો લાગ્યો છે. સ્ટાર ફાસ્ટ બોલર જસપ્રીત બુમરાહ T20 વર્લ્ડ કપમાંથી બહાર થઈ ગયો છે. ભારતીય ક્રિકેટ કંટ્રોલ બોર્ડે આ વાતની પુષ્ટિ કરી છે. BCCIની મેડિકલ ટીમે સ્પષ્ટ કર્યું છે કે, જસપ્રીત બુમરાહ વર્લ્ડ કપ રમવા માટે ફીટ નથી. બીસીસીઆઈ ટૂંક સમયમાં બુમરાહના સ્થાને આવનાર ખેલાડીનું નામ આઈસીસીને મોકલશે.

BCCIએ એક નિવેદન જાહેર કરીને કહ્યું કે, “મેડિકલ ટીમે માહિતી આપી છે કે, જસપ્રીત બુમરાહ ICC T20 વર્લ્ડ કપ માટે ફિટ નથી. બુમરાહની ફિટનેસ અંગે નિષ્ણાતોની સલાહ લેવામાં આવી હતી. બુમરાહ અગાઉ પીઠના દુખાવાના કારણે દક્ષિણ આફ્રિકા સામેની ત્રણ મેચની T20I શ્રેણીમાંથી બહાર થઈ ગયો હતો. પરંતુ હવે બીસીસીઆઈ ટૂંક સમયમાં વર્લ્ડ કપ માટે બુમરાહના સ્થાનની જાહેરાત કરશે.