ઉત્તર ભારતના દૂરના વિસ્તારોને છોડીને મોટાભાગના વિસ્તારોમાં લઘુત્તમ તાપમાન સામાન્યથી વધુ રહશે, જેના કારણે આ સિવ્યાના દેશના અન્ય ભાગમાં શિયાળામાં હાડ થીજવતી ઠંડી જોવા નહીં મળે.
તે સાથે જ કોર કોલ્ડ વેવ ઝોન એટલે કે, સીડબલ્યુઝેડમાં આ ત્રણ મહિનામાં શીતલહેરની ગંભીર સ્થિતિની શક્યતા નકારી છે. આ રીજનમાં પંજાબ, હિમાચલ, ઉત્તરાખંડ, દિલ્હી, હરિયાણા, રાજસ્થાન, યુપી, એમપી, છત્તીસગઢ, બિહાર, ઝારખંડ, પશ્વિમ બંગાળ, ઓડિશા, તેલંગાણા, જમ્મુ-કાશ્મીર અને ગુજરાતના હવામાન ડિવિઝન, લદ્દાખ, મધ્ય મહારાષ્ટ્ર, મરાઠાવાડા, વિદર્ભ અને સૌરાષ્ટ્ર આવે છે.
ઉલ્લેખનીય છે કે, સપ્તાહની શરૂઆતમાં અર્થ સાયન્સ મંત્રાલયના સચિવ એમ રાજીવને કહ્યું હતું કે, 2019 અત્યાર સુધીનો સૌથી ગરમ શિયાળો રહેવાનો છે. તેમણે કહ્યું હતું કે, ‘અલ નીનોની સ્થિતિ જળવાઈ રહેશે અને તેમાં તાપમાન સામાન્યથી વધુ રહેશે.’