પોતાની ઉંમર 150 વર્ષ હોવાનું કહેતા બાબા બર્ફાનીનો દાવોઃ હિમાલયની બ્રહ્મકમલ જડીબુટ્ટી ખાવાથી ઉંમર હજાર વર્ષ વધી જાય છે......

ગંગા ભારતી બાબા બર્ફાનીના દાવા પ્રમાણે,  હિમાલયની પર્વતમાળામાં થતી રુદ્રવંતી જડીબુટ્ટી માત્ર એક વાર લેવામાં આવે તો શરીરમાં જબરદસ્ત ઉર્જા વધી જાય છે.

વડોદરાઃ પોતાની ઉંમર 150 વર્ષથી વધારે હોવાનો દાવો કરતા ‘બાબા બર્ફાની’એ દાવો કર્યો છે કે, હિમાલયની પર્વતમાળામાં એવી જડીબુટ્ટી થાય છે કે જે ખાવાથી માણસ એક હજાર વર્ષ સુધી જીવી શકે છે. બાબા બર્ફાનીનો દાવો છે કે, હિંમાલયમાં ઘણા સાધુ આ રીતે લાંબી જીવે છે.

તાજેતરમાં વડોદરા પાસેના ગામમાં આશ્રમમાં આવેલા ગંગા ભારતી બાબા બર્ફાનીએ જણાવ્યું હતું કે, હિમાલયમાં બ્રહ્મકમલ નામની એક જડીબુટ્ટી થાય છે. આ જડીબુટ્ટી ખાવાથી વ્યક્તિની ઉંમર એક હજાર વર્ષ વધી જાય છે. આ ઉપરાંત હિમાલયની પર્વતમાળામાં દોણ નામની એવી જડીબુટ્ટી થાય છે કે જે લેવાથી પંદર દિવસ સુધી ભૂખ, પ્યાસ, ઊંઘ નથી આવતી. એટલું જ નહીં પણ માણસે મૂત્રત્યાગ કે મળત્યાગ કે કુદરતી હાજતે પણ જવું પડતું નથી.

ગંગા ભારતી બાબા બર્ફાનીના દાવા પ્રમાણે,  હિમાલયની પર્વતમાળામાં થતી રુદ્રવંતી જડીબુટ્ટી માત્ર એક વાર લેવામાં આવે તો શરીરમાં જબરદસ્ત ઉર્જા વધી જાય છે. માણસમાં અપાર શક્તિનો સંચાર થાય છે. તેમણે દાવો કર્યો કે, હિમાલયમાં આવી તો અનેક જડીબુટ્ટી છે પણ આ જડીબુટ્ટી પ્રમાણસર લેવામાં આવે તો અમૃત સમાન છે પણ જો વધારે પ્રમાણમાં લેવામાં આવે તો તે ઝેર બની જાય છે.

બાબા બર્ફાનીનો દાવો છે કે, પોતે હિમાલય પર્વતમાં બદ્રીનાથ તીર્થધામથી પણ ઉપર આવેલા નારાયણ પર્વત ખાતે 60 વર્ષ સુધી તપશ્ચર્યા કરી હતી. તાજેતરમાં ગંગા ભારતી બાબા બર્ફાની વડોદરા જિલ્લામં નારેશ્વર નજીક આવેલા નાંદ ગામના યોગાનંદ સેવાશ્રમ ખાતે આવ્યા ત્યારે તેમણે આ વાત કરી હતી.

બર્ફાની બાબા લાંબા સમયથી ચર્ચામાં છે. તેમના વિડીયો સોશિયલ મીડિયા પર વાયરલ થયા કરે છે.  બાબા બર્ફાનીનો એક વિડીયો કેટલાક ભારતીય સૈનિકોએ પણ વાયરલ કર્યો હતો. અમેરિકાની જાણીતી અવકાશ સંશોધન સંસ્થા નાસાએ પણ બાબા બર્ફાનીન વીડિયો વાયરલ કર્યો હોવાનો દાવો કરાય છે. 

આ પણ વાંચો...........