નવી દિલ્લીઃ ઇન્ડિયન એરફોર્સનું જગુઆર (ટ્રેનર એરક્રાફ્ટ) રાજસ્થાનના પોખરણમાં ક્રેશ થયું હોવાના અહેવાલ મળી રહ્યા છે. એક રિપોર્ટ પ્રમાણે, આ પ્લેન ક્રેશમાં બંન્ને પાયલોટ સુરક્ષિત રીતે બહાર નીકળી જતાં તેમનો બચાવ થયો હતો. એરફોર્સે આ મામલે કોર્ટ ઓફ ઇન્કવાયરીનો આદેશ આપ્યો હતો.


આ અગાઉ સપ્ટેમ્બરમાં એરફોર્સનું મિગ-21 ફાઇટર પ્લેન રાજસ્થાનના બારમેડમાં ક્રેશ થયું હતું. નોંધનીય છે કે છેલ્લા ત્રણ વર્ષોમાં એરફોર્સના 23 ફાઇટર પ્લેન દુર્ઘટનાગ્રસ્ત થયા છે. જેમાં મિગ-21, 4 જગુઆર, ત્રણ મિગ-29, બે સુખોઇ, બે મિરાજ 2000 અને એક મિગ-27 પ્લેનનો સમાવેશ થાય છે.