ઈન્ટરનેટ બ્લેકઆઉટ શબ્દ આપણે પહેલા પણ સાંભળી ચુક્યા છીએ. જેનો અર્થ ઈન્ટરનેટ સેવા ઠપ થવી થાય છે. છેલ્લા થોડા સમયથી ફરીથી આ શબ્દ ચર્ચામાં છે. તાજેતરમાં સામે આવેલા મીડિયા રિપોર્ટ મુજબ 30 સપ્ટેમ્બર એટલે કે આવતીકાલે વિશ્વભરમાં ઈટરનેટ સેવા ઠપ્પ થવાની સંભાવના છે. તેમાં એવો પણ દાવો કરવામાં આવ્યો છે કે 30 સપ્ટેમ્બરથી લાખો કમ્પ્યૂટર્સ, મોબાઇલ ડિવાઇસમાં ઇન્ટરનેટ સેવાનો લાભ નહીં મળી શકે.


શું થશે આવતીકાલે


30 સપ્ટેમ્બર 2021ના રોજ અનેક ડિવાઇસમાં IdentTrust DST Root CA X3 સર્ટિફિકેટ એક્સપાયર થઈ રહ્યા છે. આ સર્ટિફિકેટ એક ડિવાઇસ અને બીજા ડિવાઇસ વચ્ચે સુરક્ષિત કનેકશન એનક્રિપ્ટ કરે છે. આ સર્ટિફિકેટના કારણે તમારા દ્વારા ઉપયોગમાં લેવાતાં ડિવાઇસ અને વર્લ્ડ વાઇડ વાઇડ વેબ (www) વચ્ચે ટ્રાંસફર થતો ડેટા સુરક્ષિત રહે છે. એટલે કે વર્લ્ડ વાઇડ વેબ અને તમાર ડિવાઇસ વચ્ચે થઈ રહેલા ડેટા ટ્રાંસફરને વચ્ચેથી કોઈ ચોરી શકતું નથી.


સરળ ભાષામાં સમજીએ જો કોઈ વેબ પેજની લિંક પર શરૂઆતામાં https જોવા મળે તો તેનો મતલબ લિંક સુરક્ષિત છે અને આ માટે IdentTrust DST Root CA X3  સર્ટિફિકેટ આપવામાં આવ્યું હોય છે. પરંતુ સૌથી મોટો સવાલ એ  થાય છે કે આ સર્ટિફિકેટ એક્સપાયર થયા બાદ તમામ ડિવાઇસ પ્રભાવિત થશે કે અમુક ડિવાઇસ ?


કયા ડિવાઇસમાં નહીં ચાલે ઇન્ટરનેટ


TechCrunch ના રિપોર્ટ પ્રમાણે, આ ઈન્ટરનેટ બ્લેકઆઉટના કારણે મર્યાદીત માત્રામાં ડિવાઇસ (કમ્પ્યુટર, ટેબલેટ,સ્માર્ટફોન) પ્રભાવિત થશે. જે ડિવાઇસ અપ ટૂ ડેટ નથી તેના પર અસર જોવા મળશે. નવા અને અપડેટેડ ડિવાઇસ પર તેની કોઇ અસર નહીં થાય. સ્માર્ટફોન કે મોબાઇલ ઇન્ટરનેટ યૂઝર્સની વાત કરીએ તો એન્ડ્રોઈડ 7.11  કે તેનાથી પહેલાની ઓપરેટિંગ સિસ્ટમ પર ચાલતા ડિવાઇસમાં ઇન્ટરનેટ નહીં ચાલે. આ ઉપરાંત iOS 10 કે પહેલાની ઓપરેટિંગ સિસ્ટમ પર ચાલતાં iPhones, iPads વગેરે તેના કારણે પ્રભાવિત થશે. કમ્પ્યૂટર કે પીસીની વાત કરીએ તો macOS 2016 અને Windows XP (સર્વર પેક 3) ઓપરેટિંગ સિસ્ટમની પહેલાની OS ઉપયોગ કરતાં ડિવાઇસ પણ પ્રભાવિત થશે. આ ઉપરાંત ગેમિંગ કંસોલ જેવા કે PS3, PS4ની સાથે  Blackberryના ડિવાઇસ પર પણ ઇન્ટરનેટ નહીં ચાલે.


બ્લેક આઉટથી બચવા શું કરશો


તેનાથી બચવા માટે તમે સ્માર્ટફોન, ટેબલેટ, કમ્પ્યુટર વગરેમાં લેટેસ્ટ અપડેટ ઈન્સ્ટોલ કરો. Windows યૂઝર તેમના PCની કંટ્રોલ પેનલમાં જઈ લેટેસ્ટ Windows Update ચેક કરો. જો તમે iMac, iPad અને Apple ડિવાઇસ ઉપયોગ કરતા હો તો ઓપરેટિંગ સિસ્ટમના સેટિંગ્સમાં જઈને લેટેસ્ટ અપડેટ ચેક કરો. Android યૂઝર પોતાના ડિવાઇસના સેટિંગ્સમાં જઈને અબાઉટ ફોન પર ટેપ કરીને ફોનના OSના લેટેસ્ટ વર્ઝન ચેક કરીને અપડેટ કરો.