સૂત્રો અનુસાર, સીબીઆઈને મોકલેલ ઈડીના દસ્તાવેજોમાં લખ્યું છે કે, જે કંપનીને લાંચની રકમ આપવામાં આવી હતી, તે કંપનીએ ચિદંબરના ટ્રસ્ટને લાખો રૂપિયાનું દાન આપ્યું છે. દસ્તાવેજો અનુસાર, નોર્થસ્ટાર કંપનીએ પલાનીએપ્પા ચેટિયર ટ્રસ્ટે 33.05 લાખ રૂપિયાની રકન દાનમાં આપી હતી. ટ્રસ્ટનું પૂરનું નામ L. Ct. L. Palaniappa Chettiar Trust બતાવવામાં આવ્યું છે.
INX મિડિયાના દસ્તાવેજોમાં સ્પષ્ટ શબ્દોમાં લખેલું છે કે 26 સપ્ટેંબર 2008માં નોર્થસ્ટાર કંપનીને 60 લાખ રૂપિયા આપવામાં આવ્યા હતા. સીબીઆઇએ આ ટ્રસ્ટ અંગે પણ ચિદંબરમને પૂછપરછ કરી હતી. હવે સીબીઆઇ આ ટ્રસ્ટના દસ્તાવેજો મેળવવાના પ્રયાસમાં છે. આ લાંચની રકમ સીધી કે આડકતરી કોઇ પણ રીતે ચિદંબરમ સાથે જોડાયેલી હશે તો ચિદંબરમની મુશ્કેલી વધવાની પૂરી શક્યતા છે.
અત્યાર અગાઉ ઇડી સુપ્રીમ કોર્ટમાં એ વિગતો જણાવી ચૂકી છે કે ચિદંબરમની બેનામી સંપત્તિ 12 દેશોમાં વિસ્તરેલી છે અને વિદેશોમાં ચિદંબરમના નામે 17 બેનામી બેંક ખાતાં છે.