Jammu Kashmir Assembly Election 2024: જમ્મુ-કાશ્મીર વિધાનસભા ચૂંટણી માટે ભાજપે પોતાના ઉમેદવારોની પ્રથમ યાદી જાહેર કરી દીધી છે. આ યાદીમાં પ્રથમ તબક્કા માટે 15, બીજા તબક્કા માટે 10 અને ત્રીજા તબક્કાના મતદાન માટે 19 ઉમેદવારોના નામો જાહેર કરવામાં આવ્યા છે. ઉલ્લેખનીય છે કે જમ્મુ-કાશ્મીરમાં ત્રણ તબક્કામાં ચૂંટણી યોજાવાની છે.
જમ્મુ-કાશ્મીર વિધાનસભા ચૂંટણીને લઈને રવિવારે નવી દિલ્હીમાં બીજેપીની કેન્દ્રીય ચૂંટણી સમિતિની બેઠક યોજાઈ હતી. આ બેઠકમાં પીએમ નરેન્દ્ર મોદી, ગૃહમંત્રી અમિત શાહ અને ભાજપના રાષ્ટ્રીય અધ્યક્ષ જેપી નડ્ડા સહિત ઘણા વરિષ્ઠ નેતાઓએ ભાગ લીધો હતો. આ બેઠકમાં ચૂંટણીની રણનીતિ, મુદ્દાઓ, ઉમેદવારોના નામ અને રાજ્યમાં પીએમ મોદીની સંભવિત રેલીઓ પર ચર્ચા કરવામાં આવી હતી. આ બેઠક બાદ એવી અટકળો વહેતી થઈ હતી કે ભાજપ સોમવારે સવાર સુધીમાં ઉમેદવારોના નામની જાહેરાત કરી દેશે.
કાશ્મીરમાં પીએમ મોદીની બે રેલી
સૂત્રોના જણાવ્યા અનુસાર, આ બેઠકમાં નિર્ણય લેવામાં આવ્યો હતો કે પીએમ મોદી કાશ્મીરમાં એકથી બે રેલી કરશે જ્યારે પીએમ મોદી જમ્મુમાં 8થી 10 રેલીઓ કરશે તમને જણાવી દઈએ કે ચૂંટણી પંચે 90ના રોજ મતદાનની તારીખોની જાહેરાત કરી છે રાજ્યની વિધાનસભા બેઠકો થઈ ગઈ છે. જમ્મુ-કાશ્મીરમાં 18 સપ્ટેમ્બર, 25 સપ્ટેમ્બર અને 1 ઓક્ટોબરે મતદાન થશે. સુરક્ષાની દૃષ્ટિએ સંવેદનશીલ કેન્દ્રશાસિત પ્રદેશમાં ત્રણ તબક્કામાં વિધાનસભા ચૂંટણી યોજાશે. વિધાનસભા ચૂંટણીના પરિણામો 4 ઓક્ટોબરે આવશે. પ્રથમ તબક્કામાં 24 બેઠકો પર, બીજા તબક્કામાં 26 બેઠકો અને ત્રીજા તબક્કામાં 40 બેઠકો પર મતદાન થવાનું છે.
4 ઓક્ટોબરે આવશે પરિણામ
જમ્મુ અને કાશ્મીરમાં ત્રણ તબક્કામાં વિધાનસભા ચૂંટણી યોજાવાની છે, જેમાં 90 વિધાનસભા બેઠકો છે. પ્રથમ તબક્કાનું મતદાન 18 સપ્ટેમ્બરે 24 બેઠકો પર થશે. પ્રથમ તબક્કા માટે નોમિનેશનની છેલ્લી તારીખ 27 ઓગસ્ટ છે, તેથી જમ્મુ-કાશ્મીર પર ભાજપની પ્રથમ યાદી આજે આવી શકે છે. બીજા તબક્કાનું મતદાન 25 સપ્ટેમ્બરે છે, તે દિવસે 26 બેઠકો પર મતદાન થશે અને ત્રીજા અને છેલ્લા તબક્કાનું મતદાન 1 ઓક્ટોબરે થશે. ત્રીજા તબક્કામાં મહત્તમ 40 બેઠકો પર મતદાન થશે. 4 ઓક્ટોબરે મતગણતરી થશે.
જમ્મુ-કાશ્મીરમાં આ વખતે રોચક જંગ જામશે
જમ્મુ-કાશ્મીરની ચૂંટણીમાં આ વખતે રસપ્રદ મુકાબલો જોવા મળવાનો છે. એકબાજુ ભાજપ તમામ 90 બેઠકો પર એકલા હાથે ચૂંટણી લડી રહી છે, જ્યારે કોંગ્રેસે નેશનલ કૉન્ફરન્સ સાથે ગઠબંધન કર્યું છે. મહેબૂબા મુફ્તીની પાર્ટી પીડીપી પણ હાલમાં એકલી ચૂંટણી મેદાનમાં છે, જ્યારે આ વખતે પહેલીવાર આમ આદમી પાર્ટી પણ જમ્મુ-કાશ્મીરની ચૂંટણીમાં પોતાનું નસીબ અજમાવી રહી છે.
2014માં યોજાઇ હતી ગત વિધાનસભા ચૂંટણી
અગાઉ 2014માં જમ્મુ-કાશ્મીરમાં વિધાનસભાની ચૂંટણી યોજાઈ હતી. ત્યારે આ રાજ્ય કેન્દ્રશાસિત પ્રદેશ ના હતું. તે ચૂંટણીમાં પીડીપીને 28 બેઠકો, ભારતીય જનતા પાર્ટીને 25 બેઠકો, જમ્મુ અને કાશ્મીર નેશનલ કોન્ફરન્સને 15 બેઠકો અને કોંગ્રેસને 12 બેઠકો મળી હતી. બાદમાં પીપલ્સ ડેમોક્રેટિક પાર્ટી (PDP) અને ભાજપે સાથે મળીને સરકાર બનાવી.
જમ્મુ-કાશ્મીરમાં હવે વિધાનસભા બેઠકોની સંખ્યા વધીને 90 થઈ ગઈ છે. જમ્મુમાં હવે 43 તો કાશ્મીરમાં 47 બેઠકો હશે. પીઓકે માટે 24 બેઠકો જ અનામત છે. અહીં ચૂંટણી યોજી શકાતી નથી. જ્યારે લદ્દાખમાં વિધાનસભા જ નથી. આ રીતે કુલ 114 બેઠકો છે, જેમાંથી 90 પર ચૂંટણી યોજાશે. જમ્મુ વિસ્તારમાં સાંબા, કઠુઆ, રાજૌરી, કિશ્તવાડ, ડોડા અને ઉધમપુરમાં એક-એક બેઠક વધારવામાં આવી છે. જ્યારે કાશ્મીર વિસ્તારમાં કુપવાડા જિલ્લામાં એક બેઠક વધારવામાં આવી છે.
જમ્મુ-કાશ્મીરમાં 10 વર્ષ બાદ વિધાનસભા ચૂંટણી યોજાવા જઈ રહી છે. છેલ્લી વખત અહીં 2014માં ચૂંટણી યોજાઈ હતી. અહીંની 87 બેઠકોમાંથી પીડીપીએ 28, ભાજપે 25, નેશનલ કોન્ફરન્સે 15 અને કોંગ્રેસે 12 બેઠકો જીતી હતી. ભાજપ અને પીડીપીએ સાથે મળીને સરકાર બનાવી હતી અને મુફ્તી મોહમ્મદ સઈદ મુખ્યમંત્રી બન્યા હતા. જાન્યુઆરી 2016માં મુફ્તી મોહમ્મદ સઈદનું નિધન થયું હતું. લગભગ ચાર મહિના સુધી રાજ્યપાલ શાસન લાગુ રહ્યું. પછી તેમની પુત્રી મહેબૂબા મુફ્તી મુખ્યમંત્રી બન્યાં. પરંતુ આ ગઠબંધન વધુ ચાલ્યું નહીં. 19 જૂન 2018ના રોજ ભાજપે પીડીપી સાથેનું ગઠબંધન તોડી નાખ્યું. રાજ્યમાં રાજ્યપાલ શાસન લાગુ થઈ ગયું. હાલમાં ત્યાં ઉપરાજ્યપાલ મનોજ સિન્હા છે.
આ પણ વાંચો