Rajasthan Crime News: જોધપુરમાં મહિલાની સનસનાટીભરી હત્યાનો કેસ સામે આવ્યો છે. મહિલાને મૃત્યુના ઘાટ ઉતારીને લાશને 6 ટુકડા કરી નાખવામાં આવ્યા. શરીરના ટુકડાઓને ઝોળામાંભરીને 10 ફૂટ ઊંડા ખાડામાં નાખવામાં આવ્યા. જણાવવામાં આવી રહ્યું છે કે, હત્યાની શિકાર મહિલા બ્યૂટીશિયન અને પ્રોપર્ટી ડીલીંગનું કામ પણ કરતી હતી.
માહિતી મુજબ સરદારપુર વિસ્તારમાં રહેતી 50 વર્ષીય અનીતા ચૌધરીની ગુમ થવાની ફરિયાદ 27 ઓક્ટોબરના દિવસે સ્થાનિક પોલીસ સ્ટેશનમાં નોંધાવવામાં આવી હતી. તપાસ દરમિયાન મહિલાને સીસીટીવી ફૂટેજમાં ટૅક્સીમાં બેસતી જોવામાં આવી. નંબર આધારે ટૅક્સી ચાલકને પૂછપરછ કરવામાં આવી. ટૅક્સી ચાલકે મહિલાને ગાંગાણા વિસ્તારમાં ઉતારી મૂકવાની વાત કહી. પોલીસ ટૅક્સી ચાલકને લઈને ગાંગાણા પહોંચી. મહિલાના બ્યૂટી પાર્લરની પાસે રફૂ કારીગર ગુલામુદ્દીનનું ઘર હતું. ઘરે ગુલામુદ્દીન ન મળ્યો. પોલીસને શંકા આવતાં પરિવારના સભ્યોની કડક પૂછપરછ કરવામાં આવી. પૂછપરછમાં મામલો ઉજાગર થયો.
જોધપુરમાં શ્રદ્ધા વાલકર જેવો હત્યાકાંડ
પરિવારના સભ્યોએ જણાવ્યું કે મહિલાની હત્યા કરીને લાશને ઘરની સામે 10 ફૂટ ઊંડા ખાડામાં દટાવી દેવામાં આવી છે. પોલીસે ખાડામાંથી લાશને કાઢીને મોર્ચરીમાં મૂકી દીધી છે. પત્નીને અટક કરીને ગુલામુદ્દીનની પોલીસ તલાશ કરી રહી છે. માહિતી મુજબ મહિલાનું ગળું, બંને હાથ અને બંને પગ કાપી નાખવામાં આવ્યા છે. ધારવામાં આવી રહ્યું છે કે શરીરના ટુકડાઓ ગ્લાઈન્ડરથી કરવામાં આવ્યા હશે. પોલીસ આરોપીની શોધનખોળ કરી રહી છે. મહિલાના પુત્રનું કહેવું છે કે માને વિશ્વાસમાં લઈને ગુલામુદ્દીન અને તેના પરિવારના લોકોએ ઘરે બોલાવીને હત્યા કરી.
RLP એ પીડિત પરિવારને આશ્વાસન આપ્યું
તેણે જણાવ્યું કે છેલ્લા ઘણા દાયકાઓથી ગુલામુદ્દીન સાથે પારિવારિક સંબંધ હતા અને ગુલામુદ્દીનને તે 'મા ભાઈ' માનતી હતી. બીજી બાજુ, RLP ના નેતા સંપત પૂનિયાએ કહ્યું કે ઉદયપુરના કન્હૈયાલાલ હત્યાકાંડ કરતાં પણ વધુ ક્રૂર ઘટના છે. તેમણે કહ્યું કે પીડિત પરિવારને ન્યાય અને વળતર મળે તે માટે RLP સંઘર્ષ કરશે. RLP ના નેતા હનુમાન બેનીવાલે ઘટના પર શોક વ્યક્ત કર્યો અને દુઃખની આ ઘડીમાં પીડિત પરિવારના સાથે ઊભા રહેવાની વાત કહી.
આ પણ વાંચોઃ