2019ના અંતમા યોજાનારી મહારાષ્ટ્ર, ઝારખંડ અને હરિયાણા વિધાનસભા ચૂંટણીને ધ્યાનમાં રાખીને જ્યાં સુધી દેશભરમાં 50 ટકાથી વધુ રાજ્યોમાં સંગઠનની ચૂંટણી નહી થઇ જતી ત્યાં સુધી પાર્ટી તરફથી કાર્યકારી અધ્યક્ષના નામની જાહેરાત થઇ શકે છે.સૂત્રોના મતે કાર્યકારી અધ્યક્ષ જ પાર્ટીનો નવો અધ્યક્ષ બનશે.
માનવામાં આવી રહ્યું છે કે પાર્ટીના કાર્યકારી અધ્યક્ષ માટે જેપી નડ્ડા, ભૂપેન્દ્ર યાદવ અને કૈલાશ વિજયવર્ગીયમાંથી કોઇના એકના નામની પસંદગી કરવામાં આવી શકે છે. સૂત્રોના મતે નડ્ડા આ રેસમાં સૌથી આગળ છે. નડ્ડા હાલમાં પાર્ટીની સૌથી પાવરફૂલ સંસદીય બોર્ડ અને કેન્દ્રિય ચૂંટણી સમિતિના સચિવ છે. નડ્ડા 2010થી નવેમ્બર 2014 સુધી નીતિન ગડકરી, રાજનાથ સિંહ અને અમિત શાહ સાથે પાર્ટીના મહાસચિવ તરીકે કામ કરી ચૂક્યા છે.