કર્ણાટક: કર્ણાટકના શિવમોગામાં ગુરૂવારે રાત્રે લગભગ 10 વાગ્યે શક્તિશાળી વિસ્ફોટમાં 8 શ્રમિકોના મૃત્યુ થયાં હતાં. શિવમોગા જિલ્લાના અબ્બાલગેરે ગામ પાસે કેટલાક લોકો ટ્રકમાં જિલેટિન સ્ટિક લઇ જઇ રહ્યા હતા. તે સમયે વિસ્ફોટ થયો.
કર્ણાટકના શિવમોગામાં ડાયનામાઈટ વિસ્ફોટ થયો. જેમાં 8 શ્રમિકોના મોત થયા છે. વિસ્ફોટ એટલો તીવ્ર હતો કે, શિવમોગાના નજીકના જિલ્લા ચિકમંગલુર સુધી સંભળાયો હતો. વિસ્ફોટના કારણે આજુબાજુનાં મકાનને પણ નુકસાન પહોંચ્યું છે. આસપાસના મકાનના કાચ તૂટી ગયા હતા. પહેલાં લોકોને લાગ્યું કે ભૂકંપ આવ્યો છે, જેથી ગભરાઇને લોકો ઘરની બહાર નીકળી ગયા હતા.
ઘટનાસ્થળે વધુ વિસ્ફોટ થવાની આશંકાએ આસપાસના વિસ્તારમાં ઘેરાબંધી કરાઇ છે. પીએમ મોદીએ ઘટના અંગે દુ:ખ વ્યક્ત કરતા મૃતકના પરિવાર પ્રત્યે સંવેદના વ્યક્ત કરી છે.